عراق میں موصل کو داعش سے واپس لینے کے لئے ایک جامع فوجی منصوبہ تیار کرلیا گیاہے، امریکی وزیر دفاع ایش کارٹرکا فوجیوں سے خطاب
جمعرات 14 جنوری 2016 12:05
واشنگٹن (اُردو پوائنٹ اخبارتازہ ترین - آن لائن۔14 جنوری۔2016ء) امریکی وزیر دفاع ایش کارٹر نے کہا ہے کہ عراق میں موصل کو داعش سے واپس لینے کے لئے عراقی اور کرد البیشمرکہ افواج اور شام میں الرقہ کی آزادی کے لئے شامی فوج کی مدد کے لئے ایک جامع فوجی منصوبہ تیار کرلیا گیا غیر ملکی خبر رساں ادارے کے مطابق عراق میں جلد ہی تعینات ہونے والی امریکی فوج کی 101 ائیربورن ڈویڑن کے فوجیوں سے خطاب کرتے ہوئے امریکی وزیر دفاع کا کہنا تھا کہ وہ اگلے ہفتے کے دوران یورپ سمیت دیگر ممالک کے ہم منصبوں سے پیرس میں ملاقات کریں گے اور ان سے اس جنگ میں مزید سہولیات فراہم کرنے کا مطالبہ کریں گے۔
انہوں نے اعلان کیا کہ عراق میں ایک سپیشل کمانڈو فورس تعینات کردی گئی ہے۔ان کا کہنا تھا کہ وہ فرانس، آسٹریلیا، جرمنی، اٹلی، ہالینڈ اور برطانیہ کے وزرائے دفاع سے پیرس میں ملاقات کررہے ہیں۔(جاری ہے)
ان کا مزید کہنا تھا "ان تمام ممالک کا اس شیطانی تنظیم کے خاتمے میں اہم کردار ہے اور ہمیں ان کی تمام صلاحیتوں کو میدان جنگ میں استعمال کرنا چاہئیے۔
"کارٹر نے اپنے پیغام میں اشارہ دیا کہ عراق میں موصل کو داعش سے واپس لینے کے لئے عراقی اور کرد البیشمرکہ افواج اور شام میں الرقہ کی آزادی کے لئے شامی فوج کی مدد کے لئے ایک جامع فوجی منصوبہ تیار کرلیا گیا ہے۔انہوں نے آْپریشن کی کچھ تفصیلات دیتے ہوئے کہا کہ عراقی فوج جنوب سے جبکہ البیشمرکہ کی افواج شمال سے موصل کو گھیرے میں لیں گی اور اسے محاصرے میں لے کر باہر کی دنیا سے اس کا رابطہ توڑ دیں گی۔کارٹر کا خطاب میں کہنا تھا کہ "دسمبر میں جس سپیشل فورس کی تعیناتی کا اعلان کیا گیا تھا وہ اب عراق میں موجود ہے اور عراقی فوج کی معاونت کے ساتھ داعش کے جنگجوؤں اور رہنماؤں کے خلاف کارروائیوں کی تیاریاں کررہی ہے۔" یاد رہے کارٹر نے دسمبر میں اعلان کیا تھا کہ امریکا، عراق میں 200 کے قریب سپیشل فورسز کے اہلکار تعینات کرے گا تاکہ انٹیلی جنس اکٹھی کرنے کے عمل میں تیزی لائی جاسکے اور دشمن پر مزید دباؤ بڑھ سکے۔انہوں نے داعش کے خلاف امریکی اتحاد کی فضائی کارروائیوں کا حوالہ دیتے ہوئے کہا کہ عراقی فورسز فضائی کارروائیوں کی سپورٹ کے ساتھ داعش سے علاقے آزاد کروا رہی ہیں اور گروپ کے مالی ذرائع کو نشانہ بنایا جا رہا ہے۔ رواں ہفتے کے دوران موصل میں داعش کے ایک کیش سنٹر کو نشانہ بنایا گیا۔امریکی 101 ائیربورن گروپ کے تقریبا 500 فوجی فروری کے آخر تک اور "سیکنڈ بریگیڈ کامبیٹ ٹیم" کے 1300 فوجی آئندہ کچھ مہینوں میں عراق میں تعینات کئے جائیں گے۔ سیکنڈ بریگیڈ عراقی اور البیشمرکہ کی فوج کی ٹریننگ کرے گی۔مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.