ہمارا ایجنڈہ پاکستان کے استحکام اور ترقی کا ایجنڈہ ہے ،علی محمد ابو تُراب
تحریک دفاع حرمین شریفین سندھ کا ترجمان سید عامر نجیب کو نامزد کردیا گیا
بدھ 13 جنوری 2016 22:16
کراچی (اُردو پوائنٹ اخبارتازہ ترین - این این آئی۔13 جنوری۔2016ء) تحریک دفاع حرمین شریفین کے بانی و صدر اور مرکزی جمعیت اہلحدیث پاکستان کے نائب امیر مولانا علی محمد ابو تُراب نے کہا ہے کہ ہمارا ایجنڈہ پاکستان کے استحکام اور ترقی کا ایجنڈہ ہے ۔ ہم پاکستان کو عالم اسلام میں تنہا کرنے کی کسی سازش کو کامیاب نہیں ہونے دینگے ۔ انھوں نے کہا کہ دہشت گردی کے خلاف 34 اسلامی ممالک کا اتحاد عالم اسلام کی خود اعتمادی کا مظہر ہے ۔
وہ گذشتہ روز جماعۃ السنہ پاکستان کی جانب سے اپنے اعزاز میں دیئے جانے والے استقبالیے سے خطاب کر رہے تھے ۔ استقبالیہ کی تقریب سے سابق وزیر تجارت برائے خلیجی ممالک حجاب گل ، مرکزی جمعیت اہلحدیث سندھ کے امیر مفتی یوسف قصوری اور جماعۃ السنہ پاکستان کے صدر سید عامر نجیب نے بھی خطاب کیا ۔(جاری ہے)
تقریب میں سید اشرف قریشی ، قاری خلیل الرحمن جاوید ، مولانا افضل سردار مولانا امجد ہزاروی ، مزمل صدیقی ، مولانا احسن سلفی ، مولانا عبد اللطیف اختر شیخ حسین ، مولانا یوسف کاظم ، مولانا ناصر منجا کوٹی اور دیگر نے خصوصی طور پر شرکت کی ۔
مولانا علی محمد ابو تُراب نے کہا کہ پاک سعودی دوستی دونوں ممالک کے دفاع اور استحکام کے لئے نہایت اہم ہے جو عناصر اس دوستی کے خلاف سازشیں کر رہے ہیں وہ پاکستان کے قطعی خیر خواہ نہیں ۔ انھوں نے کہا کہ فرقہ وارانہ تعصبات نے عراق ، شام اور یمن کے مسلمانوں کو دربدر کر رکھا ہے اور اس فرقہ وارانہ کشمکش سے طاغوتی قوتیں فائدہ اُٹھا رہی ہیں ۔ انھوں نے کہا کہ وطن عزیز کی تمام محب وطن قوتیں فرقہ واریت کے تدارک کے لئے اپنا کردار ادا کریں وگرنہ فرقہ وارانہ انتشار کی آگ ہمیں جلا ڈالے گی ۔ مفتی یوسف قصوری نے اپنے خطاب میں کہا کہ ایران اور سعودی عرب کی لڑائی سے مسلم دنیا میں منفی اثرات مرتب ہو رہے ہیں اس انتشار کا خاتمہ عالم اسلام کے مفاد میں ہے ۔ استقبالئے سے خطاب کرتے ہوئے جماعۃ السنہ پاکستان کے صدر سید عامر نجیب نے کہا کہ فرقہ وارانہ تعصبات ہماری قومی وحدت کو شدید نقصانات پہنچا رہے ہیں اگر ہم ایک اچھا مسلمان اور ایک اچھا پاکستانی بن کر اپنے اپنے ایجنڈے تشکیل دینگے تو یقیناً انتشار اور تصادم سے بچ سکتے ہیں ۔ اس موقع پر تحریک دفاع حرمین شریفین کی سندھ کی سطح پر تشکیل کے سلسلے میں تحریک کے سربراہ شیخ علی محمد ابو تُراب نے جماعۃ السنہ پاکستان کے صدر سید عامر نجیب کو تحریک دفاع حرمین سندھ کا ترجمان نامزد کرنے کے فیصلے کی توثیق کردی ۔مزید قومی خبریں
-
انتظامیہ اور پی پی کے سرکاری ملازمین عدالتوں کو مس گائیڈ کررہے ہیں،حلیم عادل شیخ
-
صوبائی وزیر صحت خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
لانڈھی خودکش حملہ آوروں سے کیا اسلحہ ملا بم ڈسپوزل اسکواڈ کی رپورٹ آ گئی
-
کراچی، لانڈھی خود کش حملہ، 2 ویڈیوز منظرِ عام پر آ گئیں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
-
وزیردفاع ودفاعی پیداوارسے ترکیہ کے چیف آف جنرل سٹاف جنرل کی ملاقات
-
حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.