صوبے کے عوام پر 18گھنٹوں کی لوڈ شیڈنگ کا عذاب مسلط کر دیا گیا ہے ، ہارون بشیر بلور
مرکزی و صوبائی حکومتیں مسائل کو سلجھانے کی بجائے انہیں الجھانے سے گریز کریں،سردیوں میں ناروا لوشیڈنگ سمجھ سے بالاتر ہے ، رہنماء ا ے این پی
منگل 12 جنوری 2016 19:55
پشاور(اُردو پوائنٹ اخبارتازہ ترین - این این آئی۔12 جنوری۔2016ء)عوامی نیشنل پارٹی کے صوبائی ترجمان ہارون بشیر بلور نے صوبے بالخصوص پشاور میں بڑھتی ہوئی لوڈشیڈنگ پر تشویش کا اظہار کرتے ہوئے اس کے فوری خاتمے کا مطالبہ کیا ہے ، اے این پی سیکرٹریٹ سے جاری بیان میں انہوں نے کہا کہ سردیوں کے موسم میں 18گھنٹوں کی لوڈ شیڈنگ سمجھ سے بالاتر ہے ، انہوں نے کہا کہ بجلی کی لوڈشیڈنگ کے باعث عوام پینے کے پانی سے محروم ہو چکے ہیں اور لوگوں کا جینا دوبھر ہو چکا ہے ، انہوں نے کہا کہ خیبر پختونخوا اپنی ضرورت سے زیادہ بجلی اور گیس پیدا کر رہا ہے لیکن صوبے کے عوام پر یہ دونوں چیزیں بند کر دی گئی ہیں ، ہارون بشیر بلور نے کہا کہ صوبے میں 350بجلی کے ڈیم بنانے کا شوشہ چھوڑنے والے وضاحت کریں کہ اس سے کتنے میگا واٹ بجلی پیدا ہو گی صوبے میں بجلی پیدا کرنے والے منصوبوں کیلئے مختص رقم نہ ہونے کے برابر ہے ،انہوں نے کہا کہ صوبے میں پانی سے بجلی پیدا کرنے کے بے شمار مواقع ہیں لہٰذا مرکزی و صوبائی حکومتوں کو ان قدرتی وسائل کو بروئے کار لانے کیلئے اے این پی کے دور کے پانی سے بجلی پیدا کرنے کے منصوبے کو پایہ تکمیل تک پہنچانے کیلئے آگے آنا چاہئے تا کہ عوام میں پائی جانے والی بے چینی کا خاتمہ کیا جا سکے ، انہوں نے کہا کہبدترین لوڈشیڈنگ نے عام آدمی کی زندگی اجیرن کر رکھی ہے ، مرکزی و صوبائی حکومتیں ایک دوسرے کو نیچا دکھانے میں مصروف ہیں جبکہ عوام لوڈشیڈنگ کی وجہ سے بے حال ہو چکے ہیں،صوبائی سیکرٹری اطلاعات نے کہا کہ مرکزی و صوبائی حکومتیں عوام کو درپیش مسائل کا ادراک کرنا چاہئے اور بجلی کی ناروا لوڈشیڈنگ کے خاتمے کیلئے ٹھوس اور سنجیدہ اقدامات کرنے چاہئیں،انہوں نے کہا کہ مرکزی حکومت کو لوڈ شیڈنگ پر قابو پانے کیلئے اپنی تمام تر توجہ توانائیاں صرف کرنی چاہئے تا کہ لوگوں کو زیادہ سے زیادہ سہولیات میسر آ سکیں، انہوں نے صوبائی حکومت سے بھی مطالبہ کیا کہ وہ مسئلے کو مزید الجھانے کی بجائے اسے حل کرنے میں سنجیدگی کا مظاہرہ کریں ،اور غریب اور پسے ہوئے لوگوں کے مسائل میں کمی کی بجائے اضافے سے اجتناب کیا جائے ، انہوں نے کہا کہ صوبائی حکومت کو بھی اے این پی کے شروع کردہ بجلی کے تمام منصوبوں پر بلاتعطل کام جاری رکھنا چاہیے ،تا کہ بجلی کی پیداوار میں اضافے کے عمل کو یقینی بنایا جا سکے۔
مزید اہم خبریں
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.