جارحانہ بلے باز کرس گیل کی پاکستان سپر لیگ(پی ایس ایل) میں شرکت مشکوک ہو گئی
کوئٹہ گلیڈی ایٹرز نے ویسٹ انڈیز کے جیسن ہولڈر کی جگہ سری لنکا کے تھسارا پریرا کوشامل کر لیا
جمعہ 8 جنوری 2016 20:04
لاہور(اُردو پوائنٹ اخبارتازہ ترین - آئی این پی۔08 جنوری۔2016ء) جارحانہ بلے بازی کیلئے مشہور عالمی شہرت ویسٹ انڈین بلے باز کرس گیل کی پاکستان سپر لیگ(پی ایس ایل) میں شرکت مشکوک ہو گئی۔اطلاعات کے مطابق لاہور قلندر کے کرس گیل ان دنوں آسٹریلیا میں اپنی کمر کے آپریشن کے لیے ڈاکٹروں سے مشورے کررہے ہیں۔اگر گیل کو آپریشن کی تاریخ مل جاتی ہے تو وہ پی ایس ایل نہیں کھیل پائیں گے کیوں کہ انہیں آرام کے لیے کم از کم دو ماہ کا عرصہ درکار ہوگا۔
یہاں یہ بات بھی قابل ذکر ہے کہ اگر گیل اپریل میں ہونے والی انڈین پریمیئر لیگ کھیلنا چاہتے ہیں تو ان کے لیے یہ سرجری ضروری ہے۔دوسری جانب کوئٹہ گلیڈی ایٹرز جیسن ہولڈر کی خدمات حاصل کرنے سے محروم ہو گیا کیوں کہ ویسٹ انڈیز کرکٹ بورڈ نے انہیں این او سی جاری نہیں کیا۔(جاری ہے)
ہولڈر کی جگہ اب سری لنکا کے تھسارا پریرا لیں گے۔دلچسپ بات یہ ہے کہ پی ایس ایل نے ہولڈر کو بغیر این او سی کے ہی ٹیم میں شامل کر لیا۔
اس سے قبل تین انگلش کھلاڑی سیم بلنگز، جیمز ونس اور کرس جارڈن پی ایس ایل کے تمام میچ کھیلنے سے معذرت کرچکے ہیں کیونکہ انہوں نے 17 فروری سے جنوبی افریقی لیگ کھیلنا ہے۔ادھر پاکستان سپر لیگ کے حکام نے دنیا بھر کے کرکٹ شائقین کے لیے لیگ کے ٹکٹس آن لائن فروخت کے لیے پیش کردیے ہیں۔پی ایس ایل کے ایک اعلامیے میں بتایا گیا کہ شائقین کے جوش و جذبے کو مدنظر رکھتے ہوئے سنگل ہیڈرز کے ٹکٹوں کی قیمت 20 درہم سے جبکہ پلے آف، ڈبل ہیڈرز اور فائنل کی قیمت 30 درہم سے شروع ہو گی۔اعلامیے میں کہا گیا کہ دبئی اور شارجہ میں 4 سے 23 فروری کے درمیان کھیلی جا رہی پی ایس ایل میں مختلف ملکوں کے ٹاپ کھلاڑی 24 میچ کھیلیں گے۔آئندہ ہفتے سے متحدہ عرب امارات کے مختلف مقامات پر پی ایس ایل کے ٹکٹس دستیاب ہوں گے جس کا اعلان جلد کیا جائے گا۔متعلقہ عنوان :
مزید کھیلوں کی خبریں
-
شاہین نے رضوان کو ٹی ٹوئنٹی کا بریڈمین قرار دے دیا
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے
-
بھارتی کھلاڑی رانا سنگھ نے پاکستان کیخلاف نازیبا الفاظ استعمال کئے ، مجھے گالیاں اور دھکے دیئے اس لئے تھپڑ مارا ، پاکستانی فائٹر شاہ زیب رند
-
یو اے ای کے نوجوان بیڈمنٹن کھلاڑیوں نے بین الاقوامی ٹورنامنٹ جیت کرتاریخ رقم کر دی
-
آسٹریلین جونیئر اوپن اسکواش چیمپئن شپ میںمیڈلز جیتنے والے کھلاڑیوں کا پشاور پہنچنے پر تپاک اسقبال
-
پاکستان اورنیوزی لینڈ کی کرکٹ ٹیموں کے درمیان چوتھا ٹی ٹونٹی میچ 25 اپریل کو کھیلا جائے گا
-
پاکستان ماسٹر ٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
لاہور کی بارش نے پاکستانی کرکٹرز کیلئے چائے کا موڈ بنادیا
-
ویرات کوہلی کا آؤٹ ہونے پر غصے کا اظہار: زمین اور کوڑے دان کو بلاّ دے مارا، ویڈیو وائرل
-
راشد لطیف، عثمان خان کے یو اے ای چھوڑنے کے فیصلے سے ناخوش
-
ریٹائرڈ کھلاڑی اب بھی ہماری موجودہ ٹیم کے پلئیرز سے بہت بہتر ہیں، سلمان بٹ کا طنز
-
ویسٹ انڈین آل راؤنڈرسنیل نارائن نے ٹی ٹوئنٹی ورلڈکپ میں واپسی کو مسترد کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.