صوبے کے عوام کو علاج کی بہتر سہولیات مہیا کرنے کیلئے پبلک پرائیویٹ پارٹنرشپ میں مزید بہتری لائی جائے، بلاول بھٹو زرداری
شعبہ صحت میں پبلک پرائیویٹ پارٹنرشپ نیک شگون ہے ،امید ہے یہ پارٹنرشپ حکومت کے عوام کو بہتر علاج کی سہولیات مہیا کرنے کے مشن کو مزید تقویت دے گی، چیئرمین پیپلز پارٹی
بدھ 6 جنوری 2016 22:49
کراچی(اُردو پوائنٹ اخبارتازہ ترین - آن لائن۔06 جنوری۔2016ء) پاکستان پیپلزپارٹی کے چیئرمین بلاول بھٹو زرداری نے زور دیا ہے کہ صوبے کے عوام خصوصاً صحرائی علاقہ تھرپارکر اور دور دراز کوہستان کے پہاڑی علاقوں کے باسیوں کو علاج کی بہتر سہولیات مہیا کرنے کیلئے پبلک پرائیویٹ پارٹنرشپ میں مزید بہتری لائی جائے، بلاول بھٹو زرداری نے ان خیالات کا اظہار آج بلاول ہاؤس میں چائلڈ لائیف فاؤنڈیشن این جی او کے وفد سے ملاقات کے دوران کیا، وفد میں اقبال آد م جی، ڈاکٹر نصیرالدین محمود اورڈاکٹر احسان ربانی شامل تھے، اس موقع پر پاکستان پیپلزپارٹی پارلیامینٹرینز کی نائب صدر سینیٹر شیری رحمان، صوبائی وزیر صحت جام مہتاب ڈہر، جمیل سومرو اور دیگر بھی موجود تھے، بلاول بھٹو زرداری نے کہا کہ تعلیم اور صحت شعبے پیپلزپارٹی کی اولیت میں شامل ہیں اور پارٹی کی جانب سے سندھ حکومت کو بھی کہا گیا ہے کہ صوبے میں صحت کی سہولیات کا دائرہ وسیع کیا جائے تاکہ ہر ایک شہری کو تمام سرکاری ہسپتالوں میں بہتر علاج مہیا ہو سکے، انہوں نے کہا کہ شعبہ صحت میں پبلک پرائیویٹ پارٹنرشپ ایک نیک شگون ہے اور امید ہے کہ یہ پارٹنرشپ حکومت سندھ کے عوام کو بہتر علاج کی سہولیات میسر کرنے کے مشن کو مزید تقویت دے گی، مقامی این جی او چائلڈ لائیف فاؤنڈیشن حکومت سندھ سے پبلک پرائیویٹ پارٹنرشپ معاہدے کے تحت 2011سے کراچی سول ہسپتال اور 2013سے این آئی سی ایچ میں بچوں کے ایمرجنسی رومزکی نگہبانی کر رہی ہے اس دوران 9لاکھ بچوں کا مفت علاج کیا گیا، ملاقات کرنے والے وفد نے چیئرمین بلاول بھٹو زرداری کو بتایا کہ ان کی این جی او کو کراچی سول اسپتال میں علاج کے لیے آنے والے بچوں کے جلد علاج کے لیے مزید جگہ درکار ہے اور ساتھ ساتھ ہم کورنگی اسپتال میں بھی بچوں کے ایمرجنسی رومز قائم کرنا چاہتے ہیں، جس پر چیئرمین بلاول بھٹو زرداری نے صوبائی وزیر صحت کو ہدایت کی کہ سرکاری اسپتالوں میں مریضوں کو علاج کی بہتر سہولیات مہیا کرنے کے لیے حکومت اور این جی اوز کے درمیان تعاون کو مزید وسیع کرنے کے لیے راستے تلاش کیے جائیں۔
متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.