ائیربیس سے ایک اور حملہ آور کی لاش مل گئی ‘ مارے گئے حملہ آوروں کی تعداد چھ ہوگئی ‘ رپورٹ
منگل 5 جنوری 2016 13:36
پٹھان کوٹ(اُردو پوائنٹ اخبارتازہ ترین - این این آئی۔05 جنوری۔2016ء) بھارتی فورسز چوتھے روز بھی پٹھان کوٹ ائیر بیس کو کلیئر نہ کرواسکیں ‘ ائیربیس سے ایک اور حملہ آور کی لاش مل گئی ‘ مارے گئے حملہ آوروں کی تعداد چھ ہوگئی ۔ میڈیا رپورٹ کے مطابق پٹھان کوٹ ائیر بیس میں ایک حملہ آور ابھی تک ایئربیس میں موجود ہے جس تک پہنچنے کیلئے فورسز اپنا آپریشن جاری رکھے ہوئی ہیں بھارتی میڈیا کے مطابق ابیر بیس سے ایک اور حملہ آور کی لاش مل گئی جس کے بعد مارے گئے حملہ آورکی تعداد چھ ہوگئی ۔
بھارتی ایئرفورس کے ترجمان روشیل ڈی سلوا کے مطابق ایئربیس میں حملہ آور کی جانب سے فائرنگ نہیں کی گئی۔ ایلیٹ نیشنل سیکیورٹی گارڈ کے میجر جنرل دشیانت سنگھ نے بتایاکہ ایئربیس پر آپریشن اْس وقت تک جاری رہے گا جب تک تمام حصے کلیئر نہیں کرا لیے جاتے ۔(جاری ہے)
ہفتے کی صبح ہونے والے اس حملے کے حوالے سے دو مرتبہ ایسا معلوم ہوا کہ آپریشن ختم ہوچکا ہے تاہم اچانک ہی ایئربیس کی فضا دوبارہ سے گولیوں اور دھماکوں سے گونج اٹھی۔
دشیانت سنگھ نے بتایا کہ ہفتے کی شام تک 4 حملہ آوروں کو ہلاک کیا گیا ‘ 2 حملہ آور ایئربیس میں موجود تھے اور سیکیورٹی فورسز سے مقابلہ کر رہے تھے تاہم پیر کی شام ایک اور حملہ آور کو بھی ہلاک کردیا گیا دفاع کے حکام کا کہنا ہے کہ انتظامیہ کو جمعے کو ممکنہ حملوں سے متعلق خبردار کیا گیا تھا ‘فضائی نگرانی کرنے والے آلات نے بھی حملہ آوروں کی نشاندہی کرلی تھی جس سے حکام کی اس ساری صورتحال کو دیکھنے کی صلاحیت پر شدید تنقید کی گئی ۔سنگھ نے بتایا کہ ایئربیس کو مکمل طور پر کلیئر قرار دینے میں طویل وقت لگ سکتا ہے کیونکہ یہ 2000سے زائد ایکڑ پر محیط ہے اور اس میں جنگلات اور لمبی گھانس بھی شامل ہے۔ایئربیس کے کمانڈر آفیسر لیفٹیننٹ جے ایس دھامون نے اسے ایک منی سٹی قرار دیاجہاں گھر اور بچوں کا اسکول بھی موجود ہے فوج کی جانب سے جاری ہونے والے بیان کے مطابق آخری دہشت گرد ایئربیس کی اْس عمارت سے فائرنگ کر رہا ہے جو رہائشی علاقے میں واقع ہے۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.