فضائیہ کے ایئر وائس مارشل فاروق حبیب کی ایئر مارشل اور ایئر کموڈور محمد خالد دبیر کی ایئر وائس مارشل کے عہدے پر ترقی
پیر 4 جنوری 2016 18:27
اسلام آباد(اُردو پوائنٹ اخبارتازہ ترین - این این آئی۔04 جنوری۔2016ء)حکومت نے ایئر وائس مارشل فاروق حبیب کو ایئر مارشل اور ایئر کموڈور محمد خالد دبیر کو ایئر وائس مارشل کے عہدے پر ترقی دے دی ہے۔ یہ بات پیر کو جاری ہونے والے باضابطہ نوٹیفیکیشن میں بتائی گئی۔ ایئر مارشل فاروق حبیب نے جون 1982ء میں پاک فضائیہ میں جنرل ڈیوٹی پائلٹ کی حیثیت سے کمیشن حاصل کیا تھا۔
اپنے کیریئر کے دوران انہوں نے فائٹر سکوارڈن، آپریشنل ایئر بیس کی کمان کی اور کمانڈنٹ ایئر وار کالج فیصل کی حیثیت سے بھی خدمات انجام دیں۔ وہ سعودی عرب میں بھی ڈیپوٹیشن پر تعینات رہے۔ ایئر ہیڈ کوارٹرز میں ان کی اسٹاف تعیناتیوں میں ڈپٹی ڈائریکٹر آپریشنز برانچ اور اسسٹنٹ چیف آف ایئر اسٹاف (سیفٹی) شامل ہیں۔(جاری ہے)
اس وقت وہ ایئر ہیڈ کوارٹرز میں ڈپٹی چیف آف ایئر اسٹاف (تربیت) انجام دے رہے ہیں۔
وہ ڈیفنس اینڈ اسٹریٹجک اسٹڈیز میں ماسٹرز ہیں۔ انہیں ستارہ ء امتیاز (عسکری) مل چکا ہے۔ ایئر وائس مارشل محمد خالد دبیر نے نومبر 1985ء میں پاک فضائیہ میں جی ڈی پی برانچ میں کمیشن حاصل کیا۔ اپنے کیریئر کے دوران انہوں نے فائٹر سکوارڈن اور آپریشنل ایئر بیس کی کمان کی۔ ایئر ہیڈ کوارٹرز میں ان کی تعیناتیوں میں ڈائریکٹر (جی ڈی) گروپ اور اسسٹنٹ چیف آف ایئر اسٹاف (پرسانل آفیسرز) شامل ہیں۔ انہوں نے چیف آف ایئر اسٹاف کے سیکریٹری کی حیثیت سے اور سعودی عرب میں ڈیپوٹیشن پر بھی خدمات انجام دیں۔ وہ اسٹریٹجک اسٹڈیز میں ماسٹرز ہیں۔ انہیں تمغہ ء امتیاز (عسکری) مل چکا ہے۔مزید اہم خبریں
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.