ماحولیاتی تبدیلیوں سے کراچی کے ڈوبنے کا خطرہ، پاکستان میں سمندر کی سطح سالانہ 6ملی میٹر بلند ہو رہی ہے،رپورٹ
پیر 4 جنوری 2016 16:27
کراچی(اُردو پوائنٹ اخبارتازہ ترین - این این آئی۔04 جنوری۔2016ء) ماحولیاتی تبدیلیوں سے کراچی کے ڈوبنے کا خطرہ ہے، پاکستان میں سمندر کی سطح سالانہ 6 ملی میٹر بلند ہو رہی ہے۔جزائر مالدیپ اور بنگلا دیش کو بھی خطرہ ہے، یہ بات ایک تحقیقاتی رپورٹ میں بتائی گئی۔ سال 2015 میں موسمیاتی تبدیلیوں کے باعث ملک میں ہزاروں اموات واقع ہوئیں، سیلاب اورزلزلہ کی تباہ کاریاں، خشک سالی اورکراچی میں جون کے آخری ہفتے میں شدید گرمی سے ملک میں موسمیاتی تبدیلیوں کے واضح اشارے مل رہے ہیں۔
عالمی تھنک ٹینک جرمن واچ نے گلوبل کلائمیٹ رسک انڈیکس میں پاکستان کوماحولیاتی تبدیلیوں کے باعث دنیا کے 10سب سے زیادہ غیرمحفوظ ممالک میں شمار کیا ہے، ماحولیاتی آلودگی کو بیشتر ممالک سنجیدگی سے لے رہے ہیں اور ٹھوس اقدام کیے جا رہے ہیں جبکہ ترقی پذیرممالک میں آلودگی کو زیادہ اہمیت نہیں دی جارہی، ان ملکوں میں پاکستان بھی شامل ہے۔(جاری ہے)
پاکستان ماحولیاتی تحفظ کونسل کا قیام 1984 میں پاکستان انوائرمنٹل پروٹیکشن آرڈیننس 1983 کے سیکشن 3 کے تحت عمل میں لایا گیا اور مذکورہ آرڈیننس کے تحت ادارہ اپنے چیئرمین صدر مملکت کی سربراہی میں ایک سال میں 2 اجلاس بلانے کا پابند قرار دیا گیا بعد ازاں اس میں ترمیم کرکے صدرمملکت کی جگہ وزیر اعظم کوکونسل کا سربراہ بنا دیا گیا تاہم قیام کے9برسوں میں اس ادارے کاصرف ایک اجلاس ہو سکا۔
نیشنل اکیڈمی آف سائنس کے رسالے میں شائع ہونے والے ایک تحقیقی مضمون میں سائنس دانوں نے یہ پیش گوئی بھی کی ہے کہ اگر دنیا میں کاربن ڈائی اکسائیڈ کے اخراج پر قابو نہ پایاگیاتو سال 2050 تک بحرمنجمد جنوبی کی برف پگھلنا شروع ہوجائے گی جس کے نتیجے میں 2 کروڑ آبادی والے 414 امریکی شہر ڈوب جائیں گے۔ تحقیق کے مطابق امریکی شہر نیوآرلینس اورمیامی خطرے کے دائرے میں داخل ہوچکے ہیں جبکہ کیلی فورنیا، نیویارک اور فلوریڈا سمیت کئی مزید شہر خطرے کی زد میں آجائینگے سب سے زیادہ خطرہ مالدیپ کے جزائراوربنگلہ دیش کوہے پاکستان میں بھی ساحلی شہروں خصوصا کراچی کے ڈوبنے کاخطرہ ہے۔ماہرین ارضیات کے مطابق موسمی تغیرکے سبب سندھ کے ساحلی علاقوں کو بھی شدید خطرات لاحق ہیں۔ پاکستان میں سمندر کی سطح میں 6 ملی میٹر سالانہ اضافہ ہورہا ہے جس کی وجہ سے ساحلی علاقوں کی زمین سمندر برد ہورہی ہے۔ رپورٹ کے مطابق خلیج بنگال میں درجہ حرارت کم ہو رہا ہے جبکہ شمالی بحیرہ عرب میں درجہ حرارت بڑھ رہاہے۔مزید اہم خبریں
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
-
سارا پیسہ سرکاری تنخواہوں میں دیتے رہیں گے؟ عوام کو کچھ نہیں مل رہا، چیف جسٹس
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان کی بہترین جامعات کو مانیٹرنگ کے موثر نظام کے ذریعے عالمی معیار کی جامعات میں شامل کرنا چاہتے ہیں، احسن اقبال
-
انسولین سمیت 27 اہم ادویات کی قلت کا انکشاف‘ ڈریپ حکام نے تردید کردی
-
الیکشن کمیشن کا فیصلہ کالعدم،سپریم کورٹ نے سپیکربلوچستان اسمبلی عبدالخالق اچکزئی کوبحال کردیا
-
امریکہ نے یوکرین کو خفیہ طور پر بیلسٹک میزائل فراہم کیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.