سعودی عرب نے سفارتخانے پر حملے کو کشیدگی میں اضافہ کرنے کا بہانہ بنایا ہے:ایرانی دفترخارجہ
شیخ نمر کو سزائے موت دیے جانے پر سخت مایوسی ہوئی‘ سزاوٴں کے ردعمل میں تحمل اور برداشت کا مظاہرہ کیا جائے:سیکرٹری جنرل اقوام متحدہ
عمر جمشید پیر 4 جنوری 2016 16:22
تہران(اُردو پوائنٹ تازہ ترین ۔۔ آئی پی اے ۔۔ 04 جنوری۔2015ء) ایران کی وزارت خارجہ نے سعودی عرب کی طرف سے ایران کے ساتھ سفارتی تعلقات منقطع کرنے کے بعد پیر کو کہا کہ سعودی عرب نے سفارتخانے پر حملے کو کشیدگی میں اضافہ کرنے کا بہانہ بنایا ہے۔وزارت نے کہا کہ ایران اپنے ملک میں موجود تمام غیر ملکی سفارتخانوں کی حفاظت کے لیے پرعزم ہے۔سعودی عرب کی طرف سے شیعہ عالم شیخ نمر النمر کی سزائے موت پر عملدرآمد کے بعد اتوار کی صبح ایرانی مظاہرین نے تہران میں واقع سعودی سفارتخانے پر دھاوا بول دیا تھا جس کے بعد سعودی عرب نے تہران سے اپنا تمام سفارتی عملہ واپس بلا لیا تھا اور سعودی عرب نے اپنے ملک میں موجود ایرانی سفارتکاروں کو حکم دیا تھا کہ وہ ملک چھوڑ دیں۔
مظاہرین نے سفارتخانے میں آتشزنی کی، فرنیچر توڑا جس کے بعد پولیس نے 40 کے قریب افراد کو گرفتار کر لیا۔(جاری ہے)
عمارت میں اس وقت کوئی سعودی سفارتکار موجود نہیں تھا۔ ایرانی حکام نے حملے کی مذمت کرتے ہوئے شیخ نمر کی سزائے موت پر بھی تنقید کی۔ٹیلی وژن پر اپنے بیان میں ایرانی وزارت خارجہ کے ترجمان حسین جابری انصاری نے کہا کہ ایران نے وسیع پیمانے پر پیدا ہونے والے جذباتی رد عمل کو قابو کرنے کے لیے اپنی سفارتی ذمہ داریوں کے مطابق عمل کیا ہے۔
سعودی عرب کشیدگی کو طول دے کر فائدہ اٹھاتا ہے ریاض نے اس واقعے کو کشیدگی کو ہوا دینے کے لیے استعمال کیا ہے۔حسین انصاری کا کہنا تھا کہ ایرانی سفارتکار ابھی سعودی عرب سے نہیں نکلے۔ انہیں اتوار کو ملک چھوڑنے کے لیے 48 گھنٹے دیے گئے تھے۔لبنان کے ایک اہم شیعہ عالم نے بھی شیخ نمر کی سزائے موت کے خلاف رد عمل کے بارے میں خبردار کیا ہے۔ شیخ عبدالعامر کابلان نے سزائے موت کے بارے میں کہا کہ یہ انسانی سطح پر جرم ہے اور اس کے آنے والے دنوں میں نتائج برآمد ہوں گے۔بحرین میں بھی مظاہرے کیے گئے جہاں پولیس نے مظاہرین کو قابو کرنے کے لیے آنسو گیس کا استعمال کیا۔ لندن میں سعودی سفارتخانے کے باہر اور بھارت میں بھی مظاہرے کیے گئے۔اقوام متحدہ کے سیکرٹری جنرل بان کی مون نے کہا کہ وہ شیخ نمر کو سزائے موت دیے جانے پر سخت مایوس ہوئے ہیں اور کہا کہ سزاوٴں کے ردعمل میں تحمل اور برداشت کا مظاہرہ کیا جائے۔متعلقہ عنوان :
مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مسجد اقصی میں یہودیوں کی قربانی کی رسم کی ادائیگی
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
دنیا کے بہترین شوہر نے تحفے میں بیوی کو آدھی حکمرانی دیدی
-
اروند کیجریوال کو جیل میں انسولین دے دی گئی
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سینیٹ سے منظوری ملتے ہی یوکرین کو امداد فراہم کردیں گے، بائیڈن
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.