تحریک انصاف کاٹیکس ایمنسٹی اسکیم پر تحفظات کا اظہار،اسکیم کا جائزہ لینے اور ٹیکس نظام میں بہتری کیلئے سفارشات مرتب کرنے کا فیصلہ، جائزہ کمیٹی تشکیل دیدی گئی
قومی اسمبلی کی قائمہ کمیٹی خزانہ کے آئندہ اجلاس سے قبل سفارشات کو حتمی شکل دے دی جائینگی ، چیئرمین تحریک انصاف منظوری دینگے ، ٹیکس وصولی کے نظام میں موجود نقائص کے باعث حکومت اس قسم کی ایمسنٹی اسکیمز لانے پر مجبور ہوتی ہے، پی ٹی آئی کی پارلیمانی پارٹی کے مشترکہ اجلاس کے بعد اعلامیہ جاری
ہفتہ 2 جنوری 2016 19:28
اسلام آباد (اُردو پوائنٹ اخبارتازہ ترین - آئی این پی۔02 جنوری۔2016ء) پاکستان تحریک انصاف نے حکومت کی جانب سے تاجروں کیلئے متعارف کروائی گئی ٹیکس ایمنسٹی اسکیم پر تحفظات کا اظہار کرتے ہوئے پوری اسکیم کا جائزہ لینے اور ٹیکس نظام میں بہتری کیلئے سفارشات مرتب کرنے کا فیصلہ کیا ہے اور اس سلسلے میں شاہ محمود قریشی، اسد عمر، ڈاکٹر شیریں مزاری، جہانگیر ترین، نعمان وزیراور دیگر پر مشتمل کمیٹی تشکیل دیدی گئی ہے ۔
ہفتہ کو جاری ہونے والے اعلامیئے کے مطابق قومی اسمبلی اور سینٹ میں پاکستان تحریک انصاف کی پارلیمانی پارٹی کا مشترکہ اجلاس شاہ محمود قریشی کی سربراہی میں اسلام آباد میں منعقد ہوا جس میں تحریک انصاف نے حکومت کی جانب سے پیش کی گئی ایمنسٹی اسکیم پر شدید تحفظات کا اظہار کیا۔(جاری ہے)
اجلاس میں فیصلہ کیا گیا کہ تحریک انصاف حکومتی ایمنسٹی اسکیم کا تفصیلاً جائزہ لے گی اور ٹیکس کے نظام میں بہتری کیلئے قابل عمل تجاویز مرتب کرے گی۔
ترجمان تحریک انصاف کی جانب سے جاری بیان میں بتایا گیا کہ حکومت کی ایمنسٹی اسکیم کے جائزے اور سفارشات کی تیاری کیلئے شاہ محمود قریشی، اسد عمر، ڈاکٹر شیریں مزاری، جہانگیر ترین، نعمان وزیراور دیگر پر مشتمل کمیٹی تشکیل دیدی گئی ہے ، جو قومی اسمبلی کی قائمہ کمیٹی برائے خزانہ کے آئندہ اجلاس سے قبل اپنی سفارشات کو حتمی شکل دے گی جنہیں چیئرمین تحریک انصاف کے رو برو منظوری کیلئے پیش کیا جائے گا۔ ان کے مطابق تحریک انصاف نے ہمیشہ سے ملک میں ٹیکس کے نظام کی اصلاح کیلئے قابل قدر جدوجہد کی ہے ،جبکہ ایمنسٹی اسکیم کے تجزیے کے بعد سفارشات کی تیاری کے ذریعے بھی ٹیکس کے نظام میں موجود نقائص کی نشاندہی اور ٹیکس کے دائرہ کار کو بڑھانا مقصود ہے۔ انہوں نے کہا کہ پاکستان تحریک انصاف کی کمیٹی حکومتی ایمنسٹی اسکیم کا اس انداز میں جائزہ لے گی کہ نہ صرف یہ کہ ٹیکس کے دائرہ کار سے باہر موجود تاجروں کے ٹیکس نیٹ میں داخلے کو سہل بنایا جا سکے بلکہ اس تاثر کو بھی ابھرنے سے روکا جائے گا کہ باقاعدگی سے ٹیکس ادا کرنے والے افراد کی بجائے ٹیکس کی ادائیگی میں غفلت /اجتناب برتنے والوں سے ترجیحی برتاؤ کیا جا رہا ہے ۔ ترجمان کے مطابق تحریک انصاف کی قیادت یہ سمجھتی ہے کہ ٹیکس وصولی کے نظام میں موجود نقائص اور ٹیکس اکٹھا کرنے والے عملے کی نااہلی کے باعث حکومت اس قسم کی ایمسنٹی اسکیمز لانے پر مجبور ہوتی ہے، چنانچہ اگر ٹیکس کے شعبے کو ٹھیک کرنے کیلئے اصلاحات لائے بغیر اس قسم کی اسکیمز لائی جاتی رہیں گی، تو ماضی کی طرح اب بھی یہ اسکیمیں ناکامی سے دوچار ہوتی رہیں گی۔متعلقہ عنوان :
مزید اہم خبریں
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
معاشی استحکام کے لیے وفاق اور صوبوں کو قریبی تعلق بنانا پڑے گا، وزیراعظم
-
وفاقی وزیر قانون و انصاف سینیٹر اعظم نذیر تارڑ سے بین الاقوامی پارلیمنٹرین کانگریس (آئی پی سی) کے وفد کی ملاقات
-
ایران کے ساتھ تجارتی معاہد وں پر امریکا کی پاکستان کو پابندیاں عائدکرنے کی دھمکی
-
ایرانی صدر ابراہیم رئیسی سری لنکا کے دورے پر
-
الیکشن کمیشن نے تحریک انصاف کے انٹرا پارٹی انتخابات پرتیسری مرتبہ اعتراضات عائد کردیا
-
امریکی سینیٹ نے یوکرین، اسرائیل اور تائیوان کے لیے 95 ارب ڈالر جنگی امداد کا بل منظور کر لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.