اسرائیلی زندانوں میں 7 ہزار فلسطینی پابند سلاسل
قیدیوں کی عمریں 10 سے 73 برس کے درمیان ہیں جبکہ قید بچوں کی تعداد 450 اور خواتین کی 57 ہے ۔رپورٹ
ہفتہ 2 جنوری 2016 12:20
غزہ(اُردو پوائنٹ اخبارتازہ ترین - آن لائن۔02 جنوری۔2016ء) فلسطین میں قیدیوں کے حقوق کے لیے کام کرنے والے ایک ادارے نے اپنی رپورٹ میں بتایا ہے کہ سنہ 2015ء کے اختتام پر اسرائیلی عقوبت خانوں میں قید فلسطینیوں کی تعداد 7 ہزار رجسٹرڈ کی گئی ہے۔ غیرملکی میڈیا رپورٹ کے مطابق انسانی حقوق گروپ کلب برائے اسیران کی جانب سے جاری کردہ رپورٹ میں کہا گیا ہے کہ اسرائیلی عقوبت خانوں میں زیرحراست فلسطینی خواتین اور مردوں کی تعداد 6 ہزار 815 تک جا پہنچی ہے۔
محروسین میں دریائے اردن کے مغربی کنارے کے شہروں، مقبوضہ بیت_المقدس اور غزہ کی پٹی سے تعلق رکھنے والے شہری بھی بڑی تعداد میں شامل ہیں۔ قیدیوں کی عمریں 10 سے 73 برس کے درمیان ہیں۔ پچھلے سال اسرائیلی فورسز نے 200 کم عمر فلسطینی بچوں اور 200 خواتین کو حراست میں لیا۔(جاری ہے)
گوکہ بعد ازاں ان میں سے بیشتر کو رہا کردیا گیا تھا۔ اب بھی اسرائیلی قید خانوں میں پابند سلاسل بچوں کی تعداد 450 اور خواتین کی 57 بتائی جاتی ہے۔
چھ سو فلسطینی انتظامی قید کے تحت زندانوں میں قید ہیں۔ جنہیں محض شبے کی بنیاد پر حراست میں رکھا گیا ہے۔خیال رہے کہ اسرائیل میں انتظامی حراست کا قانون برطانوی سامراج کے دورکی یادگار ہے۔ اس قانون کے تحت کسی بھی فلسطینی کو محض شبے کی بنیاد پر کم سے کم تین ماہ کے لیے حراست میں لیا جاسکتا ہے۔ بعد ازاں اس کی مدت حراست میں بار بار توسیع کی جاسکتی ہے۔ اسرائیلی حکومت نے 2015ء کے دوران 1248 فلسطینوں کو انتظامی قید کی سزائیں سنائیں جب کہ پہلے سے اس سزا کے تحت قید کیے گئے 498 قیدیوں کی سزا کی تجدید کی گئی۔انسانی حقوق کی تنظیم کا کہنا ہے کہ فلسطینی عوام 2016 ء کا استقبال ایسے حالات میں کررہے ہیں جب ان کے سات ہزار پیارے دشمن کی جیلوں میں بند ہیں۔درایں اثناء صہیونی فوج نے تحویل میں رکھے 23 فلسطینی شہداء کے جسد خاکی ان کے ورثاء کے حوالے کردیے ہیں۔ ان فلسطینیوں کو یکم اکتوبر 2015ء کے بعد مختلف کارروائیوں کے دوران شہید کیا گیا تھا۔مزید بین الاقوامی خبریں
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.