بینک دولت پاکستان نے قرضہ پراپرٹی تبدیل کرنے کے لئے ضوابط جاری کر دیئے

کراچی(اُردو پوائنٹ اخبارتازہ ترین - این این آئی۔یکم جنوری۔2016ء) اسٹیٹ بینک بینکاری ضوابط اور طریقوں میں پائیداری کو یقینی بنانے اور ابھرتے ہوئے چیلنجز سے سرگرمی کے ساتھ نمٹنے کے لیے بینکوں/ڈی ایف آئیز کو باقاعدگی سے ہدایات جاری کرتا رہتا ہے، اس وقت قرضہ پراپرٹی تبدل کے بڑھتے ہوئے رجحان کے پیش نظر، قرضہ پراپرٹی تبدیل پر ضوابط کے ایک الگ مجموعے کو متعارف کرانے کا فیصلہ کیا گیا تا کہ بینکاری صنعت کے ریئل اسٹیٹ سیکٹر میں بڑھتے ہوئے ایکسپوژر کی بہتر انداز میں نگرانی کی جا سکے، قرضہ پراپرٹی تبدیل ( ڈی پی ایس) کے لئے ضوابط کے ذریعے۔

ان ضوابط کا مقصد ڈی پی ایس لین دین کے لئے کم از کم معیارات کا تعین کرنا اور غیر فعال قرضوں کے تصفیے کے خطرات کو کم سے کم کرنا ہے۔

(جاری ہے)

ڈی پی ایس ضوابط ان کے اجرا کی تاریخ سے نافذالعمل ہوں گے اور جن کا لین دین پروسیس میں ہے، انہیں بھی ان ضوابط کے مطابق نمٹایا جائے گا، جہاں یہ قابل اطلاق ہوں گے، جن بینکوں/ ترقیاتی مالی اداروں کے پاس ان ضوابط کی مکمل تعمیل کو یقینی بنانے کا مناسب سسٹم اور طریقہ کار موجود نہیں ہے انہیں تین ماہ کی مہلت دی جا رہی ہے جو اِن ہدایات کے اجرا کی تاریخ سے شروع ہو گی کہ وہ مطلوبہ سسٹم اور طریقہ کار کو ڈھال لیں اور /یا تیار کر لیں، جو بینک / ترقیاتی مالی ادارے مجوزہ حدود کے اندر ہیں وہ ان کی پابندی کریں گے اور جن کا ایکسپوژر ان حدود سے زائد ہے وہ تین ماہ کے اندر ایک تفصیلی منصوبے کے ساتھ اسٹیٹ بینک آف پاکستان سے رابطہ کریں گے، منصوبے میں یہ بیان کیا گیا ہوگا کہ ایکسپوژر کے بینچ مارکس کی تعمیل زیادہ سے زیادہ دو سال کی مدت میں کر لی جائے گی۔

قرضہ پراپرٹی تبدیل ( ڈی پی ایس) ضوابط مالی اداروں (ریکوری آف فنانسز) آرڈیننس 2001 سمیت تمام قابلِ اطلاق قوانین کے علاوہ ہوں گے۔