انکم ٹیکس ترمیمی بل 2016 ء قومی اسمبلی میں پیش کر دیا گیا ٗ متعلقہ قائمہ کمیٹی کے سپرد

جمعہ 1 جنوری 2016 21:28

اسلام آباد(اُردو پوائنٹ اخبارتازہ ترین - این این آئی۔یکم جنوری۔2016ء) انکم ٹیکس ترمیمی بل 2016 ء قومی اسمبلی میں پیش کردیا گیا۔انکم ٹیکس ترمیمی بل 2016 کو متعلقہ قائمہ کمیٹی کے سپرد کردیا گیا ہے۔

(جاری ہے)

وزیر خزانہ اسحاق ڈار کی جانب سے پیش کئے گئے بل کے متن کے مطابق ایک فیصد ٹیکس دے کر 5کروڑ روپے کا کالا دھن سفید کرایا جا سکے گا ٗ 31 جنوری 2016ء تک گوشوارے جمع کرانے پر گزشتہ چار سال کی آمدنی کا ذریعہ نہیں پوچھا جائے گا۔بل کے متن میں کہا گیا کہ سالانہ ٹیکس گوشواروں کے آڈٹ کی بھی چھوٹ حاصل ہوگی ٗ2016ء سے 2018ء کے دوران ٹرن اوور پر ٹیکس ریٹس مختلف ہوں گے، فائلر بننے کے بعد ٹیکس کی شرح بتدریج کم ہوتی جائے گی۔