پاکستان فی کس آمدنی کے لحاظ سے دنیا میں 133ویں ،ہیومن ڈیویلپمنٹ انڈیکس کے مطابق 147ویں نمبر پرہے
تھنک ٹینک انسٹی ٹیوٹ فار پالیسی ریفارمز کی جاری کر دہ رپورٹ
جمعہ 1 جنوری 2016 19:13
اسلام آباد (اُردو پوائنٹ اخبارتازہ ترین - آئی این پی۔یکم جنوری۔2016ء) تھنک ٹینک انسٹی ٹیوٹ فار پالیسی ریفارمز نے 2008کے بعد پہلی مرتبہ پاکستان میں ہیومن ڈیویلپمنٹ انڈیکس ( ایچ ڈی آئی) پر ایک مفصل رپورٹ جاری کی ہے ۔آئی پی آر کی رپورٹ کے مطابق ایچ ڈی آئی لیول ایک ایسا طریقہ کار ہے جس کے مطابق نیشنل فنانس کمیشن اپنے وسائل تفویض کرتا ہے ۔اٹھارویں ترمیم کے بعد اور پچھلے این ایف سی ایوارڈ میں اضافی وسائل اور صوبوں کی ہیو مین ڈیویلپمنٹ کے سلسلے میں مکمل خود مختاری کے بعد صوبائی ہیومن ڈیویلپمنٹ انڈیکس کا تخمینہ لگانا ایک انتہائی اہم اور نازک کام ہے ۔
جس کے بارے میں بہت سے ماہرین کا خیال ہے کہ اس سلسلے میں تخمینہ لگانا صوبائی ترقی اور ترقیاتی کاموں کیلئے انتہائی اہم ہے ۔(جاری ہے)
آئی پی آر رپورٹ کے مطابق ہیومن ڈیویلپمنٹ انڈیکس تین مساوی اجزا ء پر مشتمل ہے جس میں صحت ، تعلیم اور آمدن شامل ہیں ۔ تھنک ٹینک آئی پی آر نے ہیومن ڈیویلپمنٹ انڈیکس کا تخمینہ لگانے کیلئے وہی طریقہ کار اپنا یا ہے جو کہ یو این ڈی پی (UNDP) کا طریقہ کار ہے لہذا یہ اس طریقہ کار سے ہی ممکن ہو سکا ہے کہ صوبائی ہیومن ڈیویلپمنٹ انڈیکس کے تخمینے کو یو این ڈی پی کی گولوبل رینکنگ کے سلسلے میں تقابلی جائزہ کیلئے پیش کیا جا سکے ۔
لہذا اس طریقہ کار کے مطابق آئی پی آر رپورٹ میں بتایا گیا ہے کہ صوبائی ہیومن ڈیویلپمنٹ انڈیکس کے مطابق صوبہ سندھ کوا س سلسلے میں پنجاب ،کے پی کے اور بلوچستان پر فوقیت حاصل ہے جبکہ مجموعی طور پر پاکستان کا شمار ان ممالک میں ہوتا ہے جو کہ ہیومن ڈیویلپمنٹ کے سلسلے میں سب سے نچلی سطح پر ہیں اگرپاکستان کے مجموعی ہیومن ڈیویلپمنٹ انڈیکس کو صوبائی سطح پر الگ الگ کر کے دیکھا جائے تو صوبہ سندھ میں درمیانے درجے کی جبکہ باقی تینو ں صوبوں میں کم درجے کی ہیومن ڈیویلپمنٹ ہوئی ہے رپورٹ کے مطابق اگر صوبائی ایچ ڈی آئی کا رحجان ( Trend) دیکھا جائے تو سندھ میں ہیومن ڈیویلپمنٹ کی رفتار2001تا 2014 سست روی کا شکار رہی ہے جبکہ بلوچستان اور کے پی کے میں نسبتاً ہیومن ڈیویلپمنٹ کی رفتار تیز تھی اور پنجاب میں درمیانے درجے کی ہیومن ڈیویلپمنٹ ہوئی ۔رپورٹ کے مطابق سندھ میں ایچ ڈی آئی کی گروتھ پر امن و امان کی صورتحال اور ناقص طرز حکومت اثر انداز ہوئے ہیں۔آئی پی آر کی رپورٹ کے مطابق پاکستان بین الاقوامی ہیومن ڈیویلپمنٹ انڈیکس میں اپنے لیے کوئی اچھا مقام نہیں بنا سکا خصوصی طور پر فی کس آمدنی کو دیکھا جائے تو پاکستان کا دنیا میں 133واں جبکہ ایچ ڈی آئی کے مطابق 147واں نمبر ہے لہذا اس سے یہ بات ثابت ہوتی ہے کہ پاکستان میں ہیومن ڈیویلپمنٹ کے سلسلے میں کوئی خاطر خواہ کام نہیں ہوا ۔آئی پی آر کی رپورٹ کے مطابق صوبائی ایچ ڈی گروتھ کے سلسلے میں ایک اور بات ثابت ہوتی ہے کہ 2001تا 2008تک صوبائی ڈیویلپمنٹ انڈیکس میں تیزی دیکھی گئی تھی جبکہ 2008سے 2014تک یہ سست روی کا شکار ہے جبکہ اس دوران صوبوں نے اٹھارویں ترمیم کے ذریعے خود مختاری بھی حاصل کر لی تھی اور این ایف سی ایوارڈ کے ذریعے ان کو وسائل بھی زیادہ مل رہے ہیں ۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.