امریکہ میں5 پاکستانی اور ایک افغان شہری غیر قانونی طور پر داخل ہونے پر گرفتار

جمعہ 1 جنوری 2016 16:09

واشنگٹن (اُردو پوائنٹ اخبارتازہ ترین - آئی این پی۔یکم جنوری۔2016ء ) امریکا کی فیڈرل بیورو آف انویسٹی گیشن (ایف بی آئی) نے پانچ پاکستانیوں اور ایک افغان شہریوں کو امریکا میں غیر قانونی طور پر داخل ہونے پر گرفتار کر لیا۔غیر ملکی میڈیا کے مطابقایف بی آئی نے تصدیق کی ہے کہ ان افراد کو دہشت گردی کے شبہ میں گرفتار نہیں کیا گیا بلکہ دستاویزات کی عدم موجودگی پر غیر قانونی طور پر امریکا میں داخل ہونے پر گرفتار کیا گیا۔

ان افراد کو امریکا اور میکسیکو کی سرحد کے 50 کلومیٹر قریب ایروزونا ٹاوٴن سے حراست میں لیا گیا تھا۔ایف بی آئی حکام نے میڈیا سے گفتگو میں بتایا کہ گرفتار افراد سے ایف بی آئی کے اہلکاروں اور جوائنٹ ٹیررزم ٹاسک فورس حکام نے مشترکہ طور پر تفتیش کی جبکہ نیشنل سیکیورٹی ڈیٹا بیس میں ان افراد کے حوالے سے چیک کیا تاکہ معلوم ہو سکے ان کے دہشت گردوں سے روابط تھے، لیکن ایسا کچھ بھی سامنے نہیں آسکا۔

(جاری ہے)

ایف بی آئی کے ترجمان نے بتایا کہ اب یہ افراد امریکا کے امیگریشن اینڈ کسٹیم انفورسمنٹ ڈپارٹمنٹ کی تحویل میں ہیں۔امریکی کسٹم اینڈ بارڈر پروٹیکشن حکام کے مطابق پاکستان اور افغانستان کے شہری کی امریکا کی سرحد عبور کرنے والے افراد کی تعداد کے صرف 0.1 فیصد ہی ہوتے ہیں۔امریکی میڈیا کے مطابق ان افراد کو کلیفورنیا میں 2 دسمبر 2015 کو ہونے والی دہشت گردی کے 10 روز بعد گرفتار کیا تھا، کلیفورنیا میں سان برناڈینو میں ایک پاکستانی امریکی جوڑے نے فائرنگ کرکے 14 افراد کو قتل کر دیا تھا۔

Facebook Twitter Google + Share on Whatsapp

امریکہ میں5 پاکستانی اور ایک افغان شہری غیر قانونی طور پر داخل ہونے پر گرفتار

متعلقہ عنوان :

مزید اہم خبریں