امریکہ کی وسط مغربی ریاستوں میں بارشوں اور سیلاب سے ہلاکتوں کی تعداد 28ہو گئی

جمعہ 1 جنوری 2016 13:18

واشنگٹن (اُردو پوائنٹ اخبارتازہ ترین - این این آئی۔یکم جنوری۔2016ء)امریکہ کی وسط مغربی ریاستوں میں بارشوں اور سیلاب سے ہلاکتوں کی تعداد 28ہو گئی ۔ حکام کے مطابق سیلاب زدہ علاقوں میں نوے لاکھ سے زیادہ افراد کے متاثر ہونے کا خدشہ ہے۔

(جاری ہے)

میڈیا رپورٹ کے مطابق ریاست میزوری ‘آرکنساس اور اوکلاہوما میں سیلاب نے بڑے پیمانے پر تباہی مچا دی ہے ‘ سیلابی پانی سیکڑوں مکانات اور املاک بہا لے گیا ‘ ہزاروں افراد بے گھر ہو گئے ۔

متاثرہ ریاستوں میں گزشتہ کئی روز سے بارشوں اور سیلاب کے باعث مختلف حادثات میں اب تک اٹھائیس افراد ہلاک ہو چکے ہیں۔سیلاب نے ٹینیسی اور جنوبی الینوائے میں بھی خطرے کی گھنٹی بجا دی ‘ حکام نے دونوں ریاستوں میں سیلاب کی وارننگ جاری کردی ہے۔ حکام کے مطابق سیلاب سے متاثرہ علاقوں میں مجموعی طور پر نوے لاکھ سے زیادہ افراد مشکلات کا شکار ہیں۔

Facebook Twitter Google + Share on Whatsapp

امریکہ کی وسط مغربی ریاستوں میں بارشوں اور سیلاب سے ہلاکتوں کی تعداد 28ہو گئی

مزید بین الاقوامی خبریں