نیب حکام نے ڈاکٹر عاصم حسین کی بیرون ملک منتقل کی گئی رقوم کا ریکارڈ حاصل کرلیا
ڈاکٹر عاصم نے امریکہ ،برطانیہ اور دبئی میں اہلخانہ کے اکاؤنٹس میں 2ارب روپے منتقل کیے ہیں،ذرائع
بدھ 30 دسمبر 2015 19:25
کراچی(اُردو پوائنٹ اخبارتازہ ترین - این این آئی۔30 دسمبر۔2015ء) نیب حکام نے ڈاکٹر عاصم حسین اور دیگر کی جانب سے ڈالر اور دیگر بیرونی کرنسیوں کی شکل میں بھاری رقوم بیرون ملک منتقل کرنے کا ریکارڈ حاصل کرلیا ہے۔ ڈاکٹر عاصم کے متعدد بینک اکاؤنٹس اور 275 ٹرانزکشنز، ملک اور بیرون ممالک بنائی گئی جائیداد کاسراغ لگا لیا گیا ہے۔ بینک اکاؤنٹس منجمد کر کے تجزیاتی رپورٹ کی تیاری شروع کر دی گئی ہے ۔
تفصیلات کے مطابق نیب حکام نے ڈاکٹر عاصم حسین اور دیگر کی جانب سے ڈالر اور دیگر بیرونی کرنسیوں کی شکل میں بھاری رقوم بیرون ملک منتقل کرنے کا ریکارڈ حاصل کرلیا ہے۔ ذرائع کے مطابق ڈاکٹر عاصم کے متعدد بینک اکاؤنٹس ، 275 ٹرانزکشنز، ملک اور بیرون ممالک بنائی گئی جائیداد کاسراغ لگا لیا گیا ہے ۔(جاری ہے)
ذرائع نے بتایا کہ ڈاکٹر عاصم نے امریکہ ،برطانیہ اور دبئی میں اہلخانہ کے اکاؤنٹس میں 2ارب روپے منتقل کیے ہیں جس کا رکارڈ موجود ہے اور نجی کمپنی کے منیجر نوید کو سرکاری گواہ بنا کر ریکارڈ حاصل کیا گیا ہے ۔
نیب حکام کا کہنا ہے کہ ڈاکٹر عاصم کے خلاف ٹھوس شواہد ملنے کے بعد اہلخانہ رکاوٹ کھڑی کر رہے ہیں تاہم تفتیش ہر صورت مکمل کی جائے گی ۔ ذرائع کا کہنا ہے کہ نیب کی تفتیش کے دوران ڈاکٹر عاصم نے دبئی میں اہم شخصیت عارف زنونی کے ساتھ پارٹنر شپ کا بھی انکشاف کیا ہے جن کے دیگر شخصیات کے ساتھ بھی تعلقات ہیں۔ ڈاکٹر عاصم حسین نے بتایا کہ کسی بھی قانونی کارروائی سے بچنے کے لیے رقم کی بیرونی ملک منتقلی عارف زنونی اور دیگر ذرائع کے ساتھ ہوتی تھی۔ ذرائع کا یہ بھی کہنا ہے کہ نیب کے پاس عارف زنونی کی جانب سے ڈاکٹر عاصم و دیگر شخصیات سے متعدد باررقم وصول کرنے کے شواہد بھی موجود ہیں ۔ نیب نے ملزمان کی نشاندہی پر وال اسٹریٹ ایکس چینج نامی کمپنی کے مالک کو بھی شامل تفتیش کیا تو اس نے احتساب بیورو کو نہ صرف اہم رکارڈ پیش کیا بلکہ ڈاکٹر عاصم و دیگر ساتھیوں کے نام بھی اگل دیئے ہیں ۔ فراہم کردہ رکارڈ کے مطابق نا صرف امریکی ڈالر باہر بھیجے گئے بلکہ بعض اوقات امریکی ڈالر کا دیگر ممالک کی کرنسیوں میں تبادلہ بھی کیا گیا۔ ذرائع کے مطابق یہ رقم حوالہ ہندی اور بے نامی اکاؤنٹس کے ذریعے ملک سے باہر بھیجی جاتی تھی۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.