وزیراعظم کی وزارت پانی وبجلی کو صنعتی صارفین کیلئے بجلی کی قیمتوں میں 3 روپے فی یونٹ کمی کے اعلان پر فوری عملدرآمد کی ہدایت
پیر 28 دسمبر 2015 21:55
اسلام آباد( اُردو پوائنٹ اخبارتازہ ترین - آئی این پی۔28 دسمبر۔2015ء ) وزیر اعظم نوازشریف نے وزارت پانی وبجلی کو صنعتی صارفین کے لئے بجلی کے نرخوں میں 3 روپے فی یونٹ کمی کے اعلان پر فوری عمل درآمد کی ہدایت کردی ۔تفصیلات کے مطابق وزیر اعظم نوازشریف نے صنعتی صارفین کے لئے بجلی کے نرخوں میں 3 روپے فی یونٹ کمی کا اعلان کیا ہے ۔وزیراعظم نے و زارت پانی وبجلی کوبجلی کے نرخوں میں کمی کی ہدایت کی ہے ۔
صنعتی صارفین کے لئے بجلی کے نئے نرخوں کا اطلاق یکم جنوری 2016 سے ہو گا ۔ حکومت زرعی شعبے کے لئے بجلی کے نرخ پہلے ہی کم کر چکی ہے ۔ زرعی شعبے کے لئے فی یونٹ زیادہ سے زیادہ قیمت 10.35 روپے اور کم سے کم 8روپے 80 پیسے ہے ۔ 300یونٹ تک بجلی استعمال کرنے والے گھریلو صارفین کو رعایتی نرخوں پر بجلی فراہم کی جا رہی ہے ۔(جاری ہے)
گھریلو صارفین کے لئے فی یونٹ قیمت بالترتیب 2روپے ،5.79 ،8.11 روپے اور 10.20 روپے ہے ۔
صنعتی صارفین کے لئے نرخوں کا نیپرا سے منظوری کے بعد نوٹیفکیشن جاری ہو گا ۔ نیپرا بجلی کی تقسیم کی مختلف کمپنیوں کے لئے نرخوں کو حتمی شکل دے رہا ہے ۔ مختلف طرح کے ایندھن کے ذریعے بجلی کی پیداوار کے متعدد منصوبوں پر کام جاری ہے ۔ بجلی کے نئے منصوبوں سے صنعتی سمیت تمام صارفین کے لئے ٹیرف میں کمی ہو گی بجلی کے شعبے میں دسمبر 2014 سے نومبر2015 تک 92 فیصد کی ریکارڈ وصولیاں ہوئیں ۔ بجلی کے ضیاع کی شرح میں ایک سال کے دوران ایک فیصد کمی واقع ہوئی وصولیوں میں اضافے اور بجلی کے ضیاع میں کمی سے 60 ارب روپے کا فائدہ ہوا ۔۔ وزیر اعظم کے اعلان سے اقتصادی ترقی کی رفتار تیز صنعتی شعبے کو ریلیف ملے گا ۔ (م د)مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.