عمران خان نے محمد عامر کو ایک اور موقع دینے کی تائید کر دی

فہد شبیر اتوار 27 دسمبر 2015 23:45

اسلام آباد(اُردو پوائنٹ اخبارتازہ ترین۔27دسمبر۔2015ء) قومی کرکٹ ٹیم کے سابق کپتان اور پاکستان تحریک انصاف کے چیئرمین عمران خان نے محمد عامر کو ایک اور موقع دیئے جانے کی تائید کر دی ہے۔

(جاری ہے)

نجی ٹی وی پر شوکت خانم ٹرسٹ ہسپتال پشاور کیلئے چندہ مہم کے دوران محمد عامر کی واپسی سے متعلق کئے گئے ایک سوال کے جواب میں عمران خان نے کہا کہ اللہ پاک غفور و رحیم ہے۔ معاف کرنے والی اس کی ہستی ہے۔ اُس نے جو گناہ کیا اس کی معافی مانگی سزا بھگتی اب وہ واپس کھیل رہا ہے اور اچھا کھیل رہا ہے ۔ اُسے موقع ضرور دینا چاہئے۔ پاکستان میں قاتل ، چور دھڑلے سے گھوم پھر رہے ہیں لیکن ایک19سال کے نوجوان پر سب اخلاقیات لاگو کی جا رہی ہیں۔