'بھا رت ہائیڈورجن بم بنا رہا ہے'امریکی جریدے کا انکشاف
ہائیڈروجن بم' بنانے کے لیے ریاست کرناٹکا میں انتہائی خفیہ طور پر جوہری شہر تعمیر کیا جا رہا ہے ،منصوبہ براہ راست وزیر اعظم ہاوٴس سے کنٹرول جبکہ اس کی پشت پناہی ہندوستان کی دو خفیہ ایجنسیاں کر رہی ہیں،فارن پالیسی ہندوستان کا یہ منصوبہ چین اور بالخصوص پاکستان کو اشتعال دلانے کا باعث بنے گا، پاکستان ردعمل کے طور پر اپنے جوہری ہتھیاروں کی تعداد میں اضافہ کرے گا،ماہرین
جمعہ 18 دسمبر 2015 14:30
چھلاکرے(اُردو پوائنٹ اخبارتازہ ترین - آن لائن۔18دسمبر۔2015ء) امریکی جریدے نے خطے کے سب سے بڑے ہندوستانی جوہری منصوبے کا راز فاش کرتے ہوئے بتایا ہے کہ ہندوستان 'ہائیڈروجن بم' بنانے کے لیے ریاست کرناٹکا میں انتہائی خفیہ طور پر جوہری شہر تعمیر کرنے میں مصروف ہے۔امریکا کے معتبر جریدے ’فارن پالیسی‘ کی رپورٹ کے مطابق ہندوستانی حکومت ریاست کرناٹکا کے شہر چھلاکرے میں 2012 میں قائم کیے جانے والے اس منصوبے کو 2017 میں مکمل کرنا چاہتی ہے اور ماہرین کا کہنا ہے کہ اگر ایسا ہوگیا تو یہ جوہری مواد افزودہ کرنے، ایٹمی تحقیق اور جوہری ہتھیاروں و ایئر کرافٹ کی جانچ کا برصغیر کا سب سے بڑا منصوبہ ہوگا۔
رپورٹ میں کہا گیا ہے کہ ہندوستان کے اس خفیہ منصوبے کو براہ راست وزیر اعظم ہاوٴس سے کنٹرول کیا جارہا ہے، جبکہ اس کی پشت پناہی ہندوستان کی دو خفیہ ایجنسیاں کر رہی ہیں۔(جاری ہے)
ہندوستان کے اس منصوبے کا بظاہر مقصد حکومت کی جوہری تحقیق کو وسیع کرنا، ہندوستان کے ری ایکٹرز کے لئے ایندھن پیدا کرنا اور نئی آبدوزوں کی طاقت میں اضافہ کرنا ہے۔تاہم ہندوستان کے کئی ریٹائرڈ افسران، امریکا اور برطانیہ کے آزاد ماہرین کا کہنا ہے کہ منصوبے سے ہندوستان کی یورینیم افزودہ کرنے کی صلاحیت کئی گنا بڑھ جائے گی جسے وہ ہائیڈروجن بم بنانے میں استعمال کرسکتا ہے اور یوں ہندوستان کی جوہری طاقت میں کئی گنا اضافہ ہوگا۔
ماہرین کے مطابق ہندوستان کا یہ منصوبہ چین اور بالخصوص پاکستان کو اشتعال دلانے کا باعث بنے گا اور پاکستان ردعمل کے طور پر اپنے جوہری ہتھیاروں کی تعداد میں اضافہ کرے گا، کیونکہ ہندوستان پاکستان کا روایتی حریف ہے اور دونوں ممالک میں کئی معاملوں پر کشیدگی پائی جاتی ہے۔رپورٹ کے مطابق اس منصوبے کو خفیہ رکھنے کے لیے حکومتی سطح پر اس کا زیادہ ذکر نہیں کیا گیا اور نہ ہی ہندوستانی عوام اس منصوبے سے باخبر ہیں جبکہ سول جوہری معاہدے کے باعث بین الاقوامی جوہری معائنہ ایجنسیوں نے بھی اس جانب رخ نہیں کیا۔واضح رہے کہ چند ماہ قبل اسٹاک ہوم انٹرنیشنل پیس ریسرچ انسٹیٹیوٹ (سپری) کی رپورٹ میں بتایا گیا تھا کہ ہندوستان کے پاس اس وقت 90 سے 110 جوہری ہتھیار موجود ہیں، جبکہ پاکستان کے پاس یہ تعداد 120 اور چین کے پاس 260 تک ہے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.