سابق برطانوی وزیر اعظم چرچل درزی کے مقروض نکلے، چرچل نے بار بار تقاضوں کے باوجود کپڑوں کا بل ادا کرنے سے انکار کیا ان پر 197 پاوٴنڈز کا قرض چڑھ گیا،کمپنی کا دعویٰ
جمعرات 3 دسمبر 2015 23:42
لندن(اُردو پوائنٹ اخبارتازہ ترین۔3دسمبر۔2015ء)برطانیہ کے سابق وزیراعظم سر ونسٹن چرچل درزی کے مقروض نکلے،کپڑے سینے والی کمپنی ہینری پوول اینڈ کو نے دعویٰ کیا ہے کہ چرچل نے بار بار تقاضوں کے باوجود اپنے کپڑوں کا بل ادا کرنے سے انکار کیا جس سے ان پر 197 پاوٴنڈز کا قرض چڑھ گیا۔غیر ملکی میڈیاکے مطابق سر ونسٹن چرچل کا شمار برطانیہ کے عظیم ترین سربراہان میں ہوتا ہے جنہوں نے جنگ عظیم دوئم جیسے سنگین حالات میں ملک سنبھالا اور تاریخ کی کچھ بہترین تقریریں کیں۔
مگر جب بات ذاتی زندگی کے اخراجات کی ہو تو وہ زیادہ اچھے نظر نہیں آتے۔نوجوان چرچل کے کپڑے سینے والی کمپنی ہینری پوول اینڈ کو کی جاری آرکائیوز میں انکشاف ہوا ہے کہ چرچل نے بار بار تقاضوں کے باوجود اپنے کپڑوں کا بل ادا کرنے سے انکار کیا، جس سے ان پر 197 پاوٴنڈز کا قرض چڑھ گیا۔(جاری ہے)
آرکائیوز کے مطابق، ادائیگی کے بار بار مطالبے پر وہ سیخ پا بھی ہوئے۔
ریکارڈ کے مطابق، انہوں نے آخری مرتبہ 1937 میں کمپنی کو اپنی ٹوپی ٹھیک کرنے کیلئے دی تھی۔جمعرات کو جاری ہونے والی آرکائیوز کو دنیا میں کسی ٹیلر کمپنی کا سب سے پرانا ریکارڈ تصور کیا جا رہا ہے۔ہاتھ سے تحریر شدہ 130 بکس پر مشتمل اس آرکائیوز کے مطابق، ہینری پوول کے کئی ہائی پروفائل گاہک تھے۔ان میں برطانوی راج کی اعلی شخصیات، یورپ کے شاہی خاندان، اداکار، مصنف اور دیگر مقبول لوگ شامل ہیں۔آرکائیوز کا جائزہ لینے والے مورخ جیمز شیروڈ نے بتایا کہ کمپنی چرچل کے بچپن سے ہی ان کے کپڑے بنا رہی تھی تاہم، دوسری جنگ عظیم سے کچھ عرصہ قبل بل کی ادائیگی سے مسلسل انکار پر کمپنی نے ان سے تعلق ختم کر دیا۔’انہوں نے کبھی یہ بل ادا نہیں کیا۔ وہ کبھی واپس ہمارے پاس نہیں آئے۔مزید اہم خبریں
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.