خیبرپختونخواہ کے شہید وزیر اسرار اللہ گنڈا پور کے بھائی کا عمران خان کو خصوصی خط

محمد علی ہفتہ 21 نومبر 2015 20:37

پشاور(اردو پوائنٹ تازہ ترین اخبار.21 نومبر 2015 ء) خیبرپختونخواہ کے شہید وزیر اسرار اللہ گنڈا پور کے بھائی نے عمران خان کو خصوصی خط تحریر کیا ہے۔ تفصیلات کے مطابق خیبرپختونخواہ کے شہید وزیر اسرار اللہ گنڈا پور کے بھائی اور موجودہ صوبائی وزیر انعام اللہ گنڈا پور کی جانب سے تحریک انصاف کے سربراہ عمران خان کو خصوصی خط تحریر کیا گیا ہے۔

(جاری ہے)

انعام اللہ گنڈا پور نے اپنے بھائی کے قتل کی تحقیقات کیلئے بننے والی تحقیقاتی ٹیم پر تحفظات کا اظہار کیا ہے۔

انعام اللہ گنڈا پور کا کہنا ہے کہ تحقیقاتی ٹیم کی جانب سے 2 برس گزرنے کے بعد بھی کیس کی صحیح طریقے سے تحقیقات نہیں کی جارہیں جبکہ کیس کے گواہان پر بیان تبدیل کرنے کیلئے بھی دباو ڈالا جارہا ہے تاکہ مجرموں کو کلین چٹ دی جاسکے۔ خیبرپختونخواہ حکومت اس سنگین معاملے کا نوٹس فوری نوٹس لے۔ یاد رہے کہ اسرار اللہ گنڈا پور 2013 میں ڈیرہ اسمائیل خان میں خود کش حملے میں شہید ہو گئے تھے۔