انتفاضہ القدس نے صہیونی ریاست کے زوال کی بنیاد رکھ دی ہے، ڈاکٹر محمود الزھار
القدس ،غرب اردن کے شہداء کی قربانیاں رائیگاں نہیں جائینگی، آزادی کی منزل قریب ،دشمن زوال کا شکار ہونیوالا ہے غیرملکیوں کو قبلہ اول کا تقدس پامال کرنے کی ہرگز اجازت نہیں دیں گے، حماس رہنماء کا اجتماع سے خطاب
ہفتہ 14 نومبر 2015 11:14
غزہ (اُردو پوائنٹ اخبارتازہ ترین - این این آئی۔14 نومبر۔2015ء) حماس رہنماء و سابق فلسطینی وزیرخارجہ ڈاکٹر محمود الزھار نے کہا ہے کہ فلسطین میں اکتوبر کے اوائل سے شروع ہونیوالی تحریک انتفاضہ القدس نے صہیونی ریاست کے زوال کی بنیاد رکھ دی ہے۔ القدس اور غرب اردن کے شہداء کی قربانیاں رائیگاں نہیں جائینگی، آزادی کی منزل اب بہت قریب اور دشمن زوال کا شکار ہونیوالا ہے۔
غزہ کی پٹی میں اجتماع سے خطاب کرتے ہوئے ڈاکٹر الزھار نے کہا کہ غیرملکیوں کو قبلہ اول کا تقدس پامال کرنے کی ہرگز اجازت نہیں دیں گے۔ یہودی قبلہ اول میں عبادت کی آڑ میں داخل ہوکر مقدس مقام کی بے حرمتی کرتے ہیں، ان کا مقصد مذہبی رسومات کی ادئی نہیں بلکہ مزعومہ ہیکل سلیمانی کی تعمیر کیلئے راہ ہموار کرنا ہے۔(جاری ہے)
ڈاکٹر الزھار نے کہا کہ فلسطین میں جاری موجودہ تحریک کو کشیدگی کی لہر قرار دینا قطعی نامناسب ہے۔
یہ تحریک فلسطینی قوم کی اجتماعی تحریک ہے اور اس کا مقصد فلسطین کی آزادی کی منزل کے حصول کو آسان کرنا ہے۔ انہوں نے تمام فلسطینیوں سے اپیل کی کہ وہ تھریک انتفاضہ کو کامیاب بنانے کیلئے اپنی صفوں میں اتحاد و اتفاق کی فضاء پیدا کریں۔انہوں نے کہا کہ اسرائیلی دشمن کو گمان تھا کہ وہ قبلہ اول کو یہودیوں اور مسلمانوں میں زمانی اور مکانی اعتبار سے تقسیم کرنے کی اپنی سازشوں میں کامیاب ہوجائیگی مگر فلسطینی قوم دشمن کی اس سازش کو ناکام بنانے کیلئے گھروں سے نکل کھڑے ہوئے۔ فلسطینیوں نے اپنی جانوں کی قربانیاں دے کر قبلہ اول کا دفاع کیا اور اس کی تقسیم کی ناپاک سازشیں ناکام بنا دیں۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.