حکومت بلوچستان میں ترقیاتی کاموں کو ترجیحی بنیادوں پر مکمل کر رہی ہے، اقتصادی ..
تازہ ترین : 1

حکومت بلوچستان میں ترقیاتی کاموں کو ترجیحی بنیادوں پر مکمل کر رہی ہے، اقتصادی راہداری ، گوادر بندرگاہ اور ایئرپورٹ کی تعمیر سے بلوچستان کے لوگوں کے لیے روزگار کے بے پنا ہ مواقع پیدا ہونگے

صدر ممنون حسین کی گورنر بلوچستان اور قومی سلامتی کے مشیر سے ملاقات میں گفتگو

اسلام آباد(اُردو پوائنٹ اخبارتازہ ترین۔13 نومبر۔2015ء)صدر مملکت ممنون حسین نے بلوچستان کی صورت حال پر اطمینان کا اظہار کرتے ہوئے کہاہے کہحکومت بلوچستان میں ترقیاتی کاموں کو ترجیحی بنیادوں پر مکمل کر رہی ہے، پاک چین اقتصادی راہداری کے ساتھ ساتھ گوادر بندرگاہ اور گوادر ایئرپورٹ کی تعمیر سے بلوچستان کے لوگوں کے لیے روزگار کے مواقع میں بے پناہ اضافہ ہوگا ۔

وہ جمعہ کو یہاں ایوان صدر میں گورنر بلوچستان محمد خان اچکزئی اور قومی سلامتی کے مشیر لیفٹیننٹ جنرل (ریٹائرڈ) ناصر خان جنجوعہ سے ملاقات کے دوران گفتگو کررہے تھے ۔ملاقات میں گورنر بلوچستان نے صدر مملکت کو بلوچستان کی سیاسی اور سیکیورٹی کی صورت حال کے بارے میں آگاہ کیا اور اس ضمن میں کیے گئے حکومتی اقدامات کے متعلق بھی بتایا۔ صدر ممنون حسین نے کہا کہ حکومت بلوچستان میں ترقیاتی کاموں کو ترجیحی بنیادوں پر مکمل کر رہی ہے جن کے نتیجے میں بلوچستان ملک کے دیگر حصوں کے برابر آجائے گا۔صدر مملکت نے مزید کہا کہ پاک چین اقتصادی راہداری کے ساتھ ساتھ گوادر بندرگاہ اور گوادر ایئرپورٹ کی تعمیر سے بلوچستان کے لوگوں کے لیے روزگار کے مواقع میں بے پناہ اضافہ ہوگا۔

وقت اشاعت : 13/11/2015 - 20:38:08

اپنی رائے کا اظہار کریں