نحوست ا وربدشگونی کی دین اسلام میں کوئی حقیقت نہیں‘علامہ محمدراغب نعیمی
نبی کریم ؐ نے فرمایا کہ نحوست ،بدشگونی اورشیطانی گرفت کے اثرات کوئی حیثیت نہیں رکھتے‘ ناظم اعلیٰ جامعہ نعیمیہ
جمعہ 13 نومبر 2015 19:51
لاہور(اُردو پوائنٹ اخبارتازہ ترین - این این آئی۔13 نومبر۔2015ء )معروف مذہبی اسکالر جامعہ نعیمیہ کے ناظم اعلیٰ علامہ ڈاکٹر محمدراغب حسین نعیمی نے کہاہے کہ دین اسلام میں نحوست اوربدشگونی کی کوئی حقیقت نہیں ہے،نبی کریم ؐ نے فرمایا کہ نحوست ،بدشگونی اورشیطانی گرفت کے اثرات کوئی حیثیت نہیں رکھتے،دین حنیف ایک مکمل ضابطہ حیات ہے جو جہالت سے مبرا اوردلائل وبراہین سے مزین ہے،دین اسلام میں خرافات کی کوئی گنجائش نہیں ہے،اسلامی تعلیمات میں مہینہ اورکوئی دن بحیثیت مہینہ اوردن قطعاًمنحوس نہیں ،متبرک اورمنحوس توانسان کے اپنے اعمال ہوتے ہیں اور انہی پرخیر وشرکادار مدار ہے۔
ان خیالات کااظہار انہوں نے جمعۃ المبارک کے اجتماع سے خطاب کرتے ہوئے کیا ۔انہوں نے مزید کہاکہ عوام الناس ماہِ صفر کے بارے جہالت اور دین سے دوری کے سبب ایسے ایسے توہمات کا شکار ہیں جن کا دین اسلام سے دور کا بھی واسطہ نہیں۔(جاری ہے)
یہ اسی قدیم جاہلیت وجہالت کا نتیجہ ہے۔ ہمارے معاشرے میں صفر کے مہینے میں شادی اورنکاح کی تقریب کو منحوس تصور کیاجاتاہے جس کی دین اسلام میں اصلیت نہیں۔
اورایساہی آخری چارشنبہ(بدھ)کویہ خیال کیا جاتاہے کہ نبی کریم ؐاس تاریخ کوصحت یاب ہوئے جبکہ تاریخ یہ بتاتی ہے کہ آپ کے مرض میں شدت تھی۔دین اسلام کے روشن صفحات ایسے توہمات سے پاک ہیں۔ کسی وقت کو منحوس سمجھنے کی اسلام میں کوئی گنجائش نہیں ۔انہوں نے کہاکہ دیگر مہینوں کی طرح ماہِ صفر میں بھی کچھ جاہلانہ رسومات ادا کی جاتی ہیں۔ صفر کا مہینہ اسلامی مہینوں کی لڑی کا دوسرا موتی ہے۔ اس مہینے کے بارے غلط باتوں کو ختم کرنے کے لیے اسے ’’صفر المظفر‘‘کہا جاتا ہے۔بحیثیت مسلمان ہمیں رسومات اورخرافات سے بچتے ہوئے نبی کریم ؐ کے بتائے ہوئے اسلامی طریقوں کے مطابق اپنی زندگی گزارناہوگی ۔کیونکہ اسلامی تعلیمات کو اپناکرہی مسلمان دنیاوآخرت میں کامیابی حاصل کرسکتے ہیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.