پی سی بی نے نے کرکٹ آسٹریلیا کی جانب سے ڈے اینڈ نائٹ ٹیسٹ میچ کھیلنے کی پیشکش میں دلچسپی لینا شروع کر دی

چیئرمین نے غور کرنے کی ہدایت کی ہے،آسٹریلیا ‘ نیوزی لینڈ کے درمیان ڈے اینڈ نائٹ ٹیسٹ میچ کیلئے کوآبزرور بھیجنے پر غور کر رہے ہیں شکیل شیخ

جمعہ 13 نومبر 2015 19:38

پی سی بی نے نے کرکٹ آسٹریلیا کی جانب سے ڈے اینڈ نائٹ ٹیسٹ میچ کھیلنے ..

لاہور(اُردو پوائنٹ اخبارتازہ ترین - این این آئی۔13 نومبر۔2015ء ) پاکستان کرکٹ بورڈ نے کرکٹ آسٹریلیا کی جانب سے ڈے اینڈ نائٹ ٹیسٹ میچ کھیلنے کی پیشکش میں دلچسپی لینا شروع کر دی ،کھلاڑیوں کی رائے کی روشنی میں حتمی فیصلہ کیا جائے گا۔پاکستان کرکٹ بورڈ کی کرکٹ کمیٹی کے چیئرمین شکیل شیخ کا کہنا ہے کہ کرکٹ آسٹریلیا کی ڈے اینڈ نائٹ کرکٹ ٹیسٹ کی پیشکش کے بعد چیئرمین بورڈ شہریارخان نے اس حوالے سے غور کرنے کی ہدایت کی ہے۔

(جاری ہے)

شکیل شیخ نے بتا یا کہ پاکستان کی سیریزآئندہ برس آسٹریلیا سے دسمبرمیں متوقع ہے اس سے پہلے قائداعظم ٹرافی کا فائنل آزمائشی طورپرپنک بال سے کرایا جائے گا۔ انہوں نے بتایا کہ وہ سوچ رہے ہیں کہ 27نومبر سے آسٹریلیا اور نیوزی لینڈ کے درمیان ہونے والے ڈے اینڈ نائٹ ٹیسٹ میچ کے لیے کوآبزرور بھیجیں۔ شکیل شیخ کا کہنا تھا کہ آئندہ ہفتے وہ اورنج گیندوں کی بڑی تعداد خرید رہے ہیں جسے ٹیموں کو کھیلنے کے لیے دیا جائے گا اور جو فیڈ بیک اس پر آئے گا اسی کی روشنی میں بورڈ اپنا حتمی فیصلہ کرے گا۔