کسی کو اچھا لگے چاہے برا، ریٹائرمنٹ کا فیصلہ عزت اور مرضی سے خود کیا، یونس خان
تازہ ترین : 1
کسی کو اچھا لگے چاہے برا، ریٹائرمنٹ کا فیصلہ عزت اور مرضی سے خود کیا، ..

کسی کو اچھا لگے چاہے برا، ریٹائرمنٹ کا فیصلہ عزت اور مرضی سے خود کیا، یونس خان

ون ڈے کرکٹ میں منوانے کے لئے ٹیسٹ کرکٹ میں اپنا انداز بھی تبدیل کیا۔ جارحانہ کھیلا، آسٹریلیا، نیوزی لینڈ، سری لنکا اور انگلینڈ کے خلاف الگ انداز میں کھیلا اور جاوید میاں داد کا ریکارڈ بھی توڑا، انٹرویو

ابوظہبی (اُردو پوائنٹ اخبارتازہ ترین۔13 نومبر۔2015ء) ون ڈے کرکٹ سے ریٹائر ہونے والے پاکستان کے ریکارڈساز بیٹسمین یونس خان کا کہنا ہے کہ ون ڈے سے ریٹائر منٹ کا فیصلہ اچانک نہیں تھا۔ شہریار خان اور کسی کو منفی لگے یا مثبت میں کچھ نہیں کہہ سکتا۔ ورلڈ کپ کے سات ماہ بعد میں اپنے آپ سے جنگ لڑ رہا تھا۔ بڑی خواہش تھی کہ مجھ جیسے کرکٹر کو از خود ریٹائر ہوکر جانا چاہیے۔

وہی ہوا جب مجھے ابوظہبی ون ڈے کھیلنے کا موقع ملا میری اپنے آپ سے جنگ ختم ہوگئی اور مجھے یہ فیصلہ کرنے میں آسانی ہوگئی۔ اپنے ایک انٹرویو میں آج میں باعزت طریقے سے اور خود سے ریٹائر ہوکر جارہا ہوں میرا پہلا ہدف تھا کہ ریٹائرمنٹ کا فیصلہ مسلط نہ کیا جائے میں ون ڈے اپنی شرائط پر کھیلوں اور اپنی شرائط پر ریٹائرمنٹ لوں۔ یہ تاثر غلط ہے کہ فیصلہ اچانک تھا لیکن مجھ جیسے کرکٹر کو یہی کرنا چاہیے تھا۔

انہوں نے کہا کہ بعض اچھے لوگ ہوتے ہیں میں تفصیل میں نہیں جانا چاہتا لیکن میں کسی کی رائے کے مطابق نہیں اپنی مرضی سے کھیلنا چاہتا تھا اور میرا تاثر یہی تھا کہ اپنے مستقبل کا فیصلہ خود کروں۔ میں ایک سیریز کھیلنے یا تین میچوں کے بعد ریٹائرمنٹ پر یقین نہیں رکھتا تھا۔2011کے ورلڈ کپ کے بعد میں ٹیم سے اندر باہر ہوتا رہا اس وقت میری خواہش تھی کہ ایک دو سیریز ایسی مل جائیں ،جس میں مجھے مین آف دی میچ ایوارڈ ملے اور میں ریٹائر ہوجاؤں۔

اس دوران میں نے اپنی فٹنس کا بھی خیال رکھا۔ ون ڈے کرکٹ میں منوانے کے لئے ٹیسٹ کرکٹ میں اپنا انداز بھی تبدیل کیا۔ جارحانہ کھیلا۔ آسٹریلیا، نیوزی لینڈ، سری لنکا اور انگلینڈ کے خلاف الگ انداز میں کھیلا اور جاوید میاں داد کا ریکارڈ بھی توڑا۔ میں پاکستان کے لئے سولہ میں سے تیرہ سال لگاتار کھیلا لیکن میرا کیریئر نکتے پر اٹکا ہوا تھا وہ یہی تھا کہ میں خود ریٹائر ہوجاؤں۔

آج میں اس فیصلے پر اپنے آپ پر فخر محسوس کررہا ہوں۔ میں نے پاکستان کا ڈریسنگ بڑے اچھے کھلاڑیوں کے ساتھ شیئر کیا۔ ان میں ماضی کے عظیم کھلاڑیوں کے ساتھ حال کے مصباح الحق، محمد حفیظ، شاہد آفریدی ، عمر گل اور لاتعداد دیگر کھلاڑیوں کے ساتھ اچھا برا وقت ساتھ گذرا۔ مطمئن ہوکرون ڈے کرکٹ کو خیرباد کہہ رہا ہوں۔

مزید متعلقہ خبریں پڑھئیے‎ :

وقت اشاعت : 13/11/2015 - 18:51:47

متعلقہ عنوان :

اپنی رائے کا اظہار کریں