حماس کی بیروت کے جنوبی علاقے میں دہشت گردوں کے بم دھماکوں کی شدید مذمت، وحشیانہ کارروائی قرار دیا
مشکل کی گھڑی میں فلسطینی قوم لبنانی عوام کیساتھ ہے، بیان
جمعہ 13 نومبر 2015 14:49
بیروت (اُردو پوائنٹ اخبارتازہ ترین - این این آئی۔13 نومبر۔2015ء) حماس نے لبنان کے دارالحکومت بیروت کے جنوبی علاقے میں دہشت گردوں کی جانب سے کئے گئے بم دھماکوں کی شدید مذمت کرتے ہوئے اسے وحشیانہ کارروائی قرار دیا ہے۔ حماس نے کہا ہے کہ مشکل کی گھڑی میں پوری فلسطینی قوم اور حماس لبنانی قوم کیساتھ ہے۔ خیال رہے گزشتہ شام بیروت کے جنوب میں البراجنہ ٹاور میں ہونیوالے بم دھماکوں میں کم سے کم 43 افراد ہلاک اور240 زخمی ہوگئے تھے۔
داعش کہلوانے والی تنظیم نے دھماکوں کی ذمہ داری قبول کی ہے۔ حماس کی جانب سے جاری بیان میں کہا گیاہے کہ برج البراجنہ میں دھماکے دہشت گردی ہیں جن کی جتنی بھی مذمت کی جائے کم ہے۔ بیان میں کہا گیا ہے کہ لبنان میں دہشت گردی کی تازہ کارروائی میں حماس اور پوری فلسطینی قوم دکھ کا شکار ہے۔(جاری ہے)
مشکل کی اس گھڑی میں ہم لبنانی قوم کو تنہا نہیں چھوڑیں گے۔
لبنانی فوج اور پولیس کا کہنا ہے کہ یہ واقعہ گرینچ کے معیاری وقت کے مطابق رات 18 بجے ہوا۔ ایک دھماکہ عین السکہ قصبے میں ہوا جبکہ اس کے بعد البراجنہ ٹاور میں ہونیوالے سلسلہ وار دھماکوں کے نتیجے میں دسیوں افراد جاں بحق اور زخمی ہوگئے۔ دھماکوں کے بعد فوج اور پولیس نے علاقے کو گھیرے میں لے لیا تھا۔ جائے وقوعہ سے شواہد اکھٹے کئے جا رہے ہیں۔ دھماکوں کی عالمی سطح پر مذمت کی جا رہی ہے۔مزید بین الاقوامی خبریں
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
-
فلسطین کی اقوام متحدہ کی رکنیت، امریکا نے درخواست ویٹو کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.