کوئٹہ:انسداد پولیو مہم، پولیس کا رضاکاروں کو سیکورٹی دینے سے انکار
تازہ ترین : 1

کوئٹہ:انسداد پولیو مہم، پولیس کا رضاکاروں کو سیکورٹی دینے سے انکار

کوئٹہ (اُردو پوائنٹ اخبارتازہ ترین۔13 نومبر۔2015ء)کوئٹہ میں وسائل کی کو بنیاد بنا کر پولیس نے پولیو ٹیموں کو سیکورٹی دینے سے انکار کر دیا ،شہر میں ساڑھے تین ہزار پولیس اہلکار تعینات ہیں جن میں سے دو ہزار وی آئی پی سیکورٹی کی خدمات سر انجام دے رہے ہیں۔کوئٹہ میں جمعہ کو پولیو مہم کا چوتھا روز تھا جس میں رہ جانے والے بچوں کو پولیو سے بچاو کے قطرے پلائے جانے تھے تاہم پولیو ٹیموں کو سیکورٹی دینے والی پولیس نے وسائل کی کمی کو بنیاد بنا کر سیکورٹی دینے سے انکار کر دیا جس کے بعد پولیو مہم روک دی گئی ہے۔

دوسری جانب اگر بات کی ٹیموں کی سیکورٹی پر بات کی جائے تو گزشتہ سال بھی یہاں دو خواتین سمیت تین افرد کو فائرنگ کا نشانہ بنایا گیا تھا جس کے بعد پولیو ٹیموں کی سیکورٹی لازمی قرار دی گئی تھی ،رواں سال کوئٹہ میں پولیو کے چار کیسسز سامنے آ چکے ہیں، شہر میں اس وقت پولیس کی ساڑھے تین ہزار نفری میں سے دو ہزار وی آئی سیکورٹی پر تعینات ہیں۔

مزید متعلقہ خبریں پڑھئیے‎ :

وقت اشاعت : 13/11/2015 - 12:20:29

اپنی رائے کا اظہار کریں