گلگت بلتستان اور ملحقہ علاقوں میں بارشوں کا سلسلہ جای ، موسم سرد ہو گیا

سمیرا فقیرحسین جمعہ 13 نومبر 2015 10:46

گلگت (اُردو پوائنٹ تازہ ترین اخبار. 13 نومبر 2015 ء) : گلگت بلتستان اور اس کے ملحقہ علاقوں میں وقفے وقفے سے جاری رہنے والی بارش سے موسم ایک دم سرد ہو گیا ہے. گلگت بلتستان، مانسہرہ،بٹگرام ،کوہستان ،ایبٹ آباد ،گلیات میں بارش کا سلسلہ جاری ہے ،جس کے باعث موسم سرد ہوگیا ہےجبکہ لینڈ سلائیڈنگ سے شاہراہ قراقرم اور شاہراہ کاغان بند ہوگئی ہے۔

(جاری ہے)

ہزارہ ڈویژن کے اضلاع مانسہرہ،بٹگرام،تور غر،اپر اور لوئر کوہستان ،ایبٹ آباد،گلیات میں گزشتہ رات سے بارش اور پہاڑوں پر برف باری کا سلسلہ وقفے وقفے سے جاری ہے۔ناران کے قریب پہاڑی تودہ گرنے سے شاہراہِ کاغان اور اپر کوہستان میں ہربن نالے کے قریب شاہراہِ قراقرم ٹریفک کے لئے بندہے۔گلیات کے بلند مقام میرانجانی پر ایک سے2 انچ تک برف پڑ چکی ہے، جس سے سردی کی شدت میں مزید اضافہ ہو گیا ہے ۔گلگت بلتستان کےاضلاع دیامر،استور ، غذر اور دیگر پہاڑوں پر آج بھی وقفےوقفے سے پہاڑوں پر برف باری جبکہ چلاس شہر میں رات سے وقفے وقفے سے بارش ہورہی ہے۔

Facebook Twitter Google + Share on Whatsapp

گلگت بلتستان اور ملحقہ علاقوں میں بارشوں کا سلسلہ جای ، موسم سرد ہو گیا

متعلقہ عنوان :

مزید اہم خبریں