راولپنڈ ی میں ایک بار پھر ڈینگی میں کمی کا رجحان خوش آئند ہے، موجودہ صورت حال کے تناظر میں سرولنس ٹیمیں اپنا کام جاری رکھیں ، گھر گھر جا کر ڈینگی سے بچاؤ کا پیغام عام کیا جائے
وزیر اعلی پنجاب کے مشیر برائے ڈینگی کنٹرول ڈاکٹر وسیم اکرم کا اجلاس سے خطاب
جمعرات 12 نومبر 2015 22:08
راولپنڈی ( اُردو پوائنٹ اخبارتازہ ترین - آئی این پی۔12 نومبر۔2015ء ) وزیر اعلی پنجاب کے مشیر برائے ڈینگی کنٹرول ڈاکٹر وسیم اکرم نے کہا ہے کہ راولپنڈ ی میں ایک بار پھر ڈینگی میں کمی کا رجحان ظاہر ہورہا ہے جو خوش آئند ہے لیکن موجودہ صورت حال کے تناظر میں سرولنس ٹیمیں اپنا کام زور و شور کے ساتھ جاری رکھیں ، گھر گھر جا کر ڈینگی سے بچاؤ کا پیغام عام کریں ،مکینوں کو حفاظتی اقدامات ، لاروا تلف کرنے اور ڈینگی سپاٹ ختم کرنے کے طریقہ کار سے آگاہ کریں تاکہ ڈینگی لاروا کا مکمل خاتمہ یقینی بنایا جا سکے ․ انہوں نے یہ بات راولپنڈی میں انسداد ڈینگی جائزہ اجلاس کی صدارت کرتے ہوئے کہی ․ اجلاس میں اے ڈی سی جی عمران قریشی , اے ڈی سی عارف رحیم , میڈیکل سپرنٹنڈنٹس اور دیگر سرکاری محکمو ں کے افسران نے شرکت کی․ ڈاکٹر وسیم اکرم نے کہا کہ ڈینگی مریضوں کی تعداد میں ریکارڈ کی جانے والی کمی بیشی سے کسی طرح بھی یہ تاثر نہیں لینا چاہیے کہ راولپنڈی سے ڈینگی ختم ہو گیا ہے ․ گھروں سے بدستور لاروا برآمد ہو رہا ہے جس سے ڈینگی کاخطرہ موجود ہے اور سرویلنس ٹیمیں ان حقائق کی روشنی میں اپنا کام جاری رکھیں ․ انہوں نے کہا کہ ڈینگی خاتمے کا ونٹر پلان بھی جلد تشکیل دے کر اس پر عملدرآمد کرایا جائے تاکہ جو ٹیمیں اس وقت فیلڈ میں خدمات سرانجام دے رہی ہیں وہ اگلے سیزن کے لیئے مہلک ثابت ہونے والی ڈینگی کے انڈوں کو تلف کرنے اور پانی کے ذخیروں کی صفائی کے لیئے بھی لوگوں کو ترغیب دیں․ اجلاس کے دوران بتایا گیا کہ ہولی فیملی ہسپتال میں ڈینگی کے 27 نئے مریض داخل ہوئے ہیں جس کے بعد ڈینگی مریضوں کی تعداد 60 ہو گئی ہے اسی طرح بینظیر بھٹو ہسپتال میں ڈینگی کے 76 مریض داخل ہیں اور ڈسٹرکٹ ہیڈ کوارٹرز ہسپتال میں ڈینگی کے 20 مریض داخل ہیں․ ای ڈی او ہیلتھ ڈاکٹر ارشد نے بتایا کہ راولپنڈی کے تمام ٹاؤنز اور کنٹونمنٹ بورڈز میں ان ان ڈور سرویلنس ٹیمیوں نے گزشتہ روز 475 گھروں کے 10963مقامات سے پانی کے نمونے حاصل کیے جن میں سے 268 نمونوں میں لاروا پایا گیا ․ ڈاکٹر وسیم اکرم نے کہا کہ انہوں نے رحیم آباد اور بعض دیگر علاقوں کا دورہ کیا جہاں ڈینگی کنٹرول کیمپ قائم ہیں ․ اجلاس میں بتایا گیا کہ ڈھوک منگٹال, کٹاریاں, اصغر مال سکیم , خرم کالونی , گنجمنڈی , ڈھوک کھبہ , ٹاہلی موہری , ڈھوک چوہدریاں , کیرج فیکٹری , قاسم مارکیٹ , ڈھوک منشی , کوٹھہ کلاں ․ گنگال اور گرجا کے علاقوں سے ڈینگی کے نئے مریض رپورٹ ہوئے ہیں جن کے ٹیسٹ کیے جا رہے ہیں تاکہ ان کے ڈینگی پازیٹو ہونے کا جائزہ لیا جا سکے۔
مزید اہم خبریں
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.