واپڈا نجکاری کے خلاف میپکو اور لیسکو ملازمین کا احتجاج
حکومت بجلی کے نئے منصوبے اور پہلے سے بند پڑے بجلی گھروں کو چالو کرنے کی بجائے نجکاری پر تلی ہوئی ہے جس سے لاکھوں ملازمین بے روزگار ہوجائیں گے، مظاہرین
جمعرات 12 نومبر 2015 19:36
ملتان، لاہور(اُردو پوائنٹ اخبارتازہ ترین - آن لائن۔12 نومبر۔2015ء) واپڈا نجکاری کیخلاف ملتان میں میپکو ملازمین نے دفاتر کی تالہ بندی کرکے ریلی نکالی اوراحتجاج کیا۔ مظاہرین حکومت کیخلاف نعرے بازی کرتے رہے۔میپکو ملازمین نے دفاتر کی تالہ بندی کی اور خانیوال روڈ کوبلاک کرکے احتجاجی مظاہرہ کیا۔مظاہرین کا کہنا تھا کہ حکومت بجلی کے نئے منصوبے اور پہلے سے بند پڑے بجلی گھروں کو چالو کرنے کی بجائے نجکاری پر تلی ہوئی ہے جس سے لاکھوں ملازمین بے روزگار ہوجائیں گے اور صارفین کو بھی مشکلات کا سامنا کرنا پڑے گا۔
مظاہرین کا کہنا تھا کہ اگر واپڈا نجکاری کا عمل نہ روکا گیا تو ملک بھر کی بجلی بند کردی جائے گی۔دوسری جانب پنجاب اسمبلی کے سامنے آل پاکستان ہائیڈرو ورکرز یونین اور لیسکو کے ملازمین نے بھی واپڈا کی نجکاری کے خلاف احتجاجی مظاہرہ کیا۔(جاری ہے)
مظاہرین نے پلے کارڈ اٹھا رکھے تھے جس پر حکومت کے خلاف نعرے درج تھے۔ مظاہرین نے واپڈا سمیت قومی اداروں کی نج کاری کے خلاف نعرے لگائے۔ مظاہرین سے خطاب کرتے ہوئے یونین رہنماوں کا کہنا تھا کہ حکومت کو اداروں کی نجکاری نہیں کرنے دیں گے۔اگر حکومت نے اداروں کی نجکاری کی تو ملک گیر دھرنے اور احتجاجی مظاہرے کریں گے۔مظاہرین کے احتجاج کے باعث مال روڑ پر ٹریفک کا نظام درہم برہم ہو گیا اور شہریوں کو شدید مشکلات کا سامنا کرنا پڑا۔
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.