ملکی ترقی میں رکاوٹ ڈالنے والے بلدیاتی انتخابات میں کامیاب نہیں ہو سکتے‘ پروفیسر ..
تازہ ترین : 1

ملکی ترقی میں رکاوٹ ڈالنے والے بلدیاتی انتخابات میں کامیاب نہیں ہو سکتے‘ پروفیسر احسن اقبال

جلد وطن عزیز کو ہر قسم کی دہشت گردی اور اندھیروں سے نجات دلا کر عوام میں سرخرو ہونگے ‘ وفاقی وزیر پلاننگ اینڈ ڈویلپمنٹ

نارووال( اُردو پوائنٹ تازہ ترین ۔۔ آئی پی اے ۔۔12 نومبر۔2015ء) وفاقی وزیر پلاننگ اینڈ ڈویلپمنٹ پروفیسر احسن اقبال نے کہا ہے کہ ملکی ترقی میں رکاوٹ ڈالنے والے بلدیاتی انتخابات میں کامیاب نہیں ہو سکتے ،جلد وطن عزیز کو ہر قسم کی دہشت گردی اور اندھیروں سے نجات دلا کر عوام میں سرخرو ہونگے ۔ان خیالات کا اظہار انہوں نے نارووال میں علماء کے وفد سے گفتگو کرتے ہوئے کیا ۔

اس موقعہ پر پیر سید اظہر الحسن گیلانی ، خواجہ محمد وسیم بٹ ایم پی اے، علامہ پیر محمد تبسم بشیر اویسی اور دیگر بھی موجود تھے ۔ پروفیسر احسن اقبال نے کہا کہ پا کستان میں امن اور رواداری کے فروغ کیلئے مسلم لیگ کا کردار ناقابل فراموش ہے ۔ ہماری جماعت سیاست عبادت کے طور پر کرتی ہے ۔مذہبی حلقہ پاکستان مسلم لیگ کے وژن کو کامیاب کرنے کیلئے بھر پور تعاون کرے ۔انہوں نے کہا کہ قومی ایکشن پلان کی کامیابی پاکستان کی کامیابی ہے ۔پاکستان میں پہلے مرحلے کے بلدیاتی الیکشن میں عوام نے جس انداز سے پاکستان مسلم لیگ ن پر اعتما د کا اظہار کیا ہے یہ وزیر اعظم پاکستان کی اعلیٰ کارکردگی کا ثمر ہے۔

مزید متعلقہ خبریں پڑھئیے‎ :

وقت اشاعت : 12/11/2015 - 18:01:02

اپنی رائے کا اظہار کریں