سکول جانے والے بچوں کی صحت انتہائی اہم مسئلہ ہے،محمدعاطف
جمعرات 12 نومبر 2015 16:56
پشاور(اُردو پوائنٹ اخبارتازہ ترین - این این آئی۔12 نومبر۔2015ء)خیبر پختونخوا کے وزیر تعلیم محمد عاطف خان نے کہا ہے کہ سکول جانے والے بچوں کی صحت انتہائی اہم مسئلہ ہے اوراس پر بھرپور توجہ دینے کی ضرورت ہے لہذا پاکستان تحریک انصاف کی صوبائی حکومت اس سلسلے میں عملی اقدامات اٹھائے گی۔ صوبائی حکومت نے 30ہزار سرکاری سکولوں کے بچوں کو بہتر صحت مندانہ ماحول فراہم کرنے کے منصوبے پر 43ارب روپے خرچ کرنے کا تخمینہ لگایا ہے اورپہلے مرحلے میں اس کے لئے 10ارب روپے مختص کئے گئے ہیں۔
ا ن خیالات کا اظہار انہوں نے جمعرات کے دن پشاور میڈیکل کالج میں "خیبر پختونخوا کے سکول جانے والے بچوں کے ذہنی مسائل"کے موضوع پر پرائم انسٹی ٹیوٹ آف ہیلتھ کے زیر اہتمام منعقدہ ہیلتھ پالیسی فورم سے بحثیت مہمان خصوصی خطاب کرتے ہوئے کیا۔(جاری ہے)
فورم سے دوسروں کے علاوہ پروفیسر ڈاکٹر نجیب الحق، ڈاکٹر احسان الحق،ڈاکٹر سعید انور،ڈاکٹر عقیل رضا اور ڈاکٹر فضل ذیشان نے بھی خطاب کیا اور موضوع پر کھل کر اظہار خیال کرتے ہوئے سکول جانے والے بچوں کے ذہنی مسائل سے متعلق شعور اجاگر کرنے اور اس سلسلے میں اساتذہ کو خصوصی تربیت دینے پر زور دیا۔
وزیر تعلیم نے کہا کہ تعلیم معاشرے کی بنیادی ضرورت ہے اور قوموں کی ترقی کی بنیاد میگا پراجیکٹس ،بڑی بڑی عمارات یا سڑکیں نہیں بلکہ تعلیم ہے او ر قوموں کا عروج و زوال تعلیم ہی سے وابستہ ہے۔انہوں نے کہا کہ سیاسی بھرتیوں اور سزا و جزا کا نظام نہ ہونے سے تعلیم کا نظام انحطاط کا شکار ہے اورہماری تمام تر توجہ تعلیمی نظام کو سیاسی مداخلت سے پاک کرنے پر ہے۔عاطف خان نے کہا کہ ہم تعلیمی نظام کو اپ گریڈ کر رہے ہیں اور بہتری کی جانب گامزن ہیں۔انہوں نے کہا کہ صوبے میں پہلی دفعہ پرائمری سکول دو کمروں کی بجائے چھ کمروں،سٹاف روم اور پرنسپل آفس پر مشتمل ہو گا اور آئندہ ہر سکو ل کیلئے پلے ایریا لازمی قرار دیا گیا ہے۔انہوں نے کہا کہ موجودہ سکولوں میں بھی پلے ایریا بنانے کیلئے پہلے مرحلے میں پانچ ہزار سکولوں کی نشاندہی کی گئی ہے۔وزیر موصوف نے کہا کہ آؤٹ آف سکول بچوں کو سکول لانے اور شرح داخلہ بڑھانے کیلئے سروے کرنے کی غرض سے تعلیمی بجٹ میں فنڈز رکھے گئے ہیں۔انہوں نے کہا کہ اساتذہ کا استعداد کار بڑھانے کیلئے بھی 80کروڑ روپے مختص کئے گئے ہیں۔انہوں نے شرکاء سے کہا کہ بچوں کے ذہنی مسائل کے حل کیلئے ماہرین کی قابل عمل تجاویز کا خیر مقد م کیا جائیگا ۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.