پاکستانی کرکٹرز کی بنگلہ دیش پریمئیر لیگ میں شرکت خدشات کا شکار ہو گئی

جمعرات 12 نومبر 2015 16:54

لاہور(اُردو پوائنٹ اخبارتازہ ترین - آن لائن۔12 نومبر۔2015ء) پاکستانی کرکٹرز کی بنگلہ دیش پریمئیر لیگ میں شرکت خدشات کا شکار ہو گئی ہے۔ 22 نومبر سے شروع ہونے والی بنگلہ دیش پریمئیر لیگ کی فرنچائزز سے پچاس سے زائد قومی کرکٹرز کے معاہدے ہیں۔ لیکن پی سی بی نے کھلاڑیوں ڈومیسٹک کرکٹ کی مصروفیات کی وجہ سے این اور سی جاری نہیں کیا۔

(جاری ہے)

ذرائع کا کہنا ہے کہ کھلاڑیوں کو پہلے اپنے ڈیپارٹمنٹس یا ریجن سے لیگ کھیلنے کے لیئے ریلیز لیٹر حاصل کرنا ہو گا،پی سی بی کو خدشہ ہے کہ ڈومیسٹک ٹیموں کی جانب سے ریلیز لیٹر جاری کیئے بنا این او سی جاری کیا گیا تو اسے تنقید کا نشانہ بنایا جا سکتا ہے۔

دوسری جانب سری لنکن بورڈ نے اپنیسنٹرل کنٹریکٹ میں شامل کھلاڑیوں سے کہا ہے کہ وہ بی پی ایل کی بجائے اپنے ڈومیسٹک سیزن میں حصہ لیں۔

متعلقہ عنوان :