سندھ پولیس کے معاملات اب سینٹرل پولیس بورڈ چلائے گا، نوٹیفکیشن جاری
تازہ ترین : 1

سندھ پولیس کے معاملات اب سینٹرل پولیس بورڈ چلائے گا، نوٹیفکیشن جاری

کراچی (اُردو پوائنٹ اخبارتازہ ترین۔12 نومبر۔2015ء) سندھ پولیس کے معاملات اب سینٹرل پولیس بورڈ چلائے گا، اس حوالے سے نوٹیفکیشن جاری کردیا گیا ہے۔ نوٹیفکیشن کے مطابق پولیس بجٹ، وسائل کے استعمال، بھرتیوں، خریداری، سب فیصلے اب بورڈ میں ہوں گے، سندھ پولیس کی پالیسیز اور تمام فیصلوں کا اختیار بھی سینٹرل پولیس بورڈ کو ہوگا۔نوٹیفکیشن کے مطابق آئی جی سندھ بورڈ کی سفارشات کے مطابق فیصلے اور ان پرعملدرآمد کو یقینی بنائیں گے،بورڈ کے سربراہ آئی جی سندھ، تمام ایڈیشنل آئی جیزاور متعلقہ ڈی آئی جی رکن ہوں گے، سینٹرل پولیس بورڈ کے اجلاس ماہانہ بنیادوں پر ہوں گے۔ سینٹرل پولیس بورڈ کے قیام کا نوٹیفکیشن وزیرداخلہ سندھ کی سفارش پر جاری کیا گیا۔

وقت اشاعت : 12/11/2015 - 16:46:44

متعلقہ عنوان :

اپنی رائے کا اظہار کریں