سپر ماڈل ایان علی نے بریت کی درخواست مسترد کیے جانے کے فیصلے کو لاہورہائیکورٹ ..
تازہ ترین : 1
سپر ماڈل ایان علی نے بریت کی درخواست مسترد کیے جانے کے فیصلے کو لاہورہائیکورٹ ..

سپر ماڈل ایان علی نے بریت کی درخواست مسترد کیے جانے کے فیصلے کو لاہورہائیکورٹ میں چیلنج کر دیا

لاہور (اُردو پوائنٹ اخبارتازہ ترین۔12 نومبر۔2015ء) سپر ماڈل ایان علی نے ٹرائل کورٹ کی طرف سے اپنی بریت کی درخواست مسترد کئے جانے کے فیصلے کو لاہورہائیکورٹ میں چیلنج کر دیا۔ ایان علی کے وکیل سردار خرم لطیف کھوسہ نے لاہورہائیکورٹ میں اپیل دائرکی۔انہوں نے موقف اختیارکیاکہ ایان علی کو کسٹم حکام نے 4 ماہ تک غیر قانونی طور پر حراست میں رکھا گیا اور اس دوران ایان علی پر کسی طرح کا جرم ثابت نہیں ہوسکا اور نہ ہی ان کے خلاف اس حوالے سے ٹھوس شواہد موجود ہیں،جب انہیں گرفتار کیا گیا تو وہ مسافر کی تعریف میں ہی نہیں آتی تھیں ۔

ٹرائل کورٹ نے ایان علی کی بریت کافیصلہ نہ کرکے انصاف کے تقاضے پورے نہیں کئے۔ایان علی پر فرد جرم کسی ثبوت کے بغیر نہیں عائد کی جاسکتی ۔لہٰذا عدالت سے استدعا ہے کہ ٹرائل کورٹ کا فیصلہ کالعدم قراردیکر ایان علی کو آرٹیکل 265کے تحت کرنسی اسمگلنگ کیس سے بری کرنے کاحکم جاری کرے۔

مزید متعلقہ خبریں پڑھئیے‎ :

وقت اشاعت : 12/11/2015 - 13:32:14

متعلقہ عنوان :

اپنی رائے کا اظہار کریں