دبئی ، شارجہ اور ابو ظہبی میں‌بارش، نظام زندگی معطل ہو گیا
تازہ ترین : 1
دبئی ، شارجہ اور ابو ظہبی میں‌بارش، نظام زندگی معطل ہو گیا

دبئی ، شارجہ اور ابو ظہبی میں‌بارش، نظام زندگی معطل ہو گیا

دبئی(اُردو پوائنٹ تازہ ترین اخبار. 12 نومبر 2015 ء): دبئی، ابو ظہبی اور شارجہ میں وقفے وقفے سے بارش کا سلسلہ جاری ہے جبکہ محکمہ موسمیات نے آئندہ 48 گھنٹوں میں بارش کی پیشن گوئی بھی کر دی ہے . بارش کے باعث ابوظہبی، شارجہ اور دبئی میں نظامٍ زندگی بُری طرح متاثر ہوا ہے. میڈیا رپورٹس کے مطابق بارش کے باعث متعدد اسکولوں میں دو گھنٹے قبل چھُٹی کا اعلان بھی کر دیاگیا ہے تاہم بارش کے بعد درجہ حرارت میں 6 سینٹی گریڈ تک کمی آئی ہے.

موسلا دھار بارشوں کے ساتھ ساتھ مٹی اُڑنےا ور تیز ہواؤں کا سلسلہ بھی جاری ہے جبکہ ہائی وے پر حدٍ نگاہ بھی کم ہو گئی ہے. نیشنل سینٹر فور میٹرولوجی کے مطابق سعودی عرب سے آنے والے کم دباؤ کے پیشٍ نظر مختلف خلیجی ممالک قطر، کویت اور بحرین بھی اس سے اثر انداز ہوں گے. ملک بھر میں بارش کے سبب ساحلی علاقوں پر پڑنے والے فرق کے بعد موسمیاتی الرٹ بھی جاری کر دیا گیا ہے جبکہ محکمہ موسمیات کی پیشن گوئی کے مطابق آئندہ کل بھی ابوظہبی، دبئی ، شارجہ سمیت دیگر عرب ممالک میں بارش کا سلسلہ جاری رہے گا.

وقت اشاعت : 12/11/2015 - 12:12:15

قارئین کی رائے :

  • noor nabi shah Says : 12/11/2015 - 14:17:18

    Nan pa dubai k dair akholay mosum dy dasay mosum laka cha maree k sanga v o nor a shukirdy dy sa worana na dy karay da media wala lag shan sa zeyat zeyat hum owai

    Reply to this comment

اپنی رائے کا اظہار کریں