نیویارک میں کشمیری سیاسی جماعتوں کے اتحاد نے یہ ثابت کر دیا ہے کہ مسئلہ کشمیر کواجاگر کرنے کے سلسلے میں تمام کشمیری کیمونٹی ایک ہے‘نیویارک میں مقیم پاکستانی وکشمیری کیمونٹی اسی اتحاد کو برقرار رکھتے ہوئے امریکہ کے پالیسی ساز اداروں میں موثر شرکت کو یقینی بنائیں تاکہ وہ کشمیری عوام کی جدوجہد کو منطقی انجام تک پہنچانے کیلئے بہترین سفارت کاری کر سکیں‘ملیحہ لودی سے ملاقات حوصلہ افزا رہی ‘پاکستان کی کشمیری عوام کی سیاسی،سفارتی اور اخلاقی حمایت کشمیریوں کے حوصلے بلندکرتی ہے
سپیکر غلام صادق‘عابد حسین عابد‘عبدالسلام بٹ‘ڈاکٹر نجیب نقی‘جاوید بڈھانوی ‘جاوید ایوبفیصل ممتاز راٹھور پر مشتمل آزادکشمیر قانون ساز اسمبلی کے پارلیمانی وفد کانیویارک میں سردار یونس کے استقبالیہ سے خطاب
بدھ 11 نومبر 2015 13:58
نیویارک(اُردو پوائنٹ اخبارتازہ ترین - آئی این پی۔11 نومبر۔2015ء) آزادجموں و کشمیر قانون ساز اسمبلی کے سپیکر سردار غلام صادق،وزیر اطلاعات سردار عابد حسین عابد،وزیر سیاحت عبدالسلام بٹ،مسلم لیگ (ن) کے ڈاکٹر نجیب نقی،وزیر خوراک جاوید بڈھانوی،وزیر جنگلات سردار جاوید ایوب،وزیر برقیات راجہ فیصل ممتاز راٹھور نے کہا ہے کہ نیویارک میں آزادجموں وکشمیر کی تمام سیاسی جماعتوں کے اتحاد نے یہ ثابت کر دیا ہے کہ مسئلہ کشمیر کواجاگر کرنے کے سلسلے میں تمام کشمیری کیمونٹی ایک ہے۔
نیویارک میں مقیم پاکستانی وکشمیری کیمونٹی اسی اتحاد کو برقرار رکھتے ہوئے امریکہ کے پالیسی ساز اداروں میں اپنی موثر شرکت کو یقینی بنائیں تاکہ وہ کشمیری عوام کی جدوجہد کو منطقی انجام تک پہنچانے کے لیے بہترین سفارت کاری کر سکیں۔(جاری ہے)
ڈاکٹر ملیحہ لودی سے ملاقات حوصلہ افزا رہی ۔پاکستان کی جانب سے کشمیری عوام کی سیاسی،سفارتی اور اخلاقی حمایت کشمیریوں کے حوصلے بلندکرتی ہے۔
آزادجموں وکشمیر قانون ساز اسمبلی کے پارلیمانی وفد کے ارکان نے ان خیالات کا اظہار نیویارک میں پیپلز پارٹی کے معروف رہنما سردار یونس خان کی جانب سے دئیے جانے والے استقبالیہ سے خطاب کرتے ہوئے کیا۔تقریب میں بڑی تعداد میں کشمیری وپاکستانی کیمونٹی نے شرکت کی۔اس موقع پر تقریب کی صدارت سابق ممبر کشمیر کونسل سردار سوار خان نے کی۔جبکہ تقریب میں وزیر اطلاعات سردار عابد حسین عابد ،وزیر برقیات راجہ فیصل ممتاز راٹھور،وزیر سیاحت عبدالسلام بٹ،وزیر خوراک جاوید اقبال بڈھانوی،وزیر جنگلات سردار جاوید ایوب،ممبر اسمبلی مسلم لیگ(ن) کے سینئر رہنما ڈاکٹر نجیب نقی،متحدہ قومی مومنٹ کے محمد سلیم بٹ،سیکرٹری اسمبلی چوہدری بشارت ،سابق ممبر اسمبلی ظفر علی ماگرے،مسلم لیگ (ن) کے سینئر رہنما کیپٹن شاہین بٹ ،امتیاز بڑالوی اور محمد تاج بھی موجود تھے۔تقریب کی خاص بات یہ تھی کہ پہلی مرتبہ خواتین کی ایک بڑی تعداد نے بھی اس میں شرکت کی۔تقریب سے خطاب کرتے ہوئے سپیکر سردار غلام صادق نے کہا کہ مسئلہ کشمیر اسوقت انتہائی اہمیت اختیار کر چکا ہے۔بھارتی وزیر اعظم کشمیریوں کو روپے پیسے میں تولنا چاہتا ہے۔جسے کشمیری عوام نے مسترد کر کے بھارتی وزیر اعظم کے منہ پر دے مارا ہے۔انہوں نے کہا کہ بھارتی وزیر اعظم دنیا کی آنکھوں میں دھول نہ جھونکیں۔اگر بھارت کو کشمیریوں کا اتنا ہی احساس ہوتا تو وہ سیلاب میں کشمیری عوام کو بے یارومددگار نہ چھوڑتا۔وزیر اطلاعات سردار عابد حسین عابد نے کہا کہ نیویارک کی یہ تقریب مثالی ہے اور تمام سیاسی جماعتوں کا اتحاد اور رہنماؤں کی شرکت اس بات کا کھلا ثبوت ہے کہ کشمیری مسئلہ کشمیر کو اجاگر کرنے کے حوالہ سے ایک ہیں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.