امریکی صدر اوبامہ نے اپنا آفیشل فیس بک پیج متعارف کروا دیا

بدھ 11 نومبر 2015 13:05

واشنگٹن (اُردو پوائنٹ اخبارتازہ ترین - این این آئی۔11 نومبر۔2015ء) امریکی صدر بارک اوباما نئے دوست بنانا چاہتے ہیں اور اسی لیے انہوں نے اپنا آفیشل فیس بک پیج متعارف کروا دیا۔اس پیج پر جہاں اوباما کو اپنی پالیسیاں واضح کرنے کا موقع ملے گا، وہیں امریکی عوام اپنے خیالات کا اظہار کر سکے گی۔فیس بک پر ایک ارب سے زائد لوگوں کی موجودگی کی وجہ سے اوباما کا پیج ناگزیر ہو چکا تھا۔

(جاری ہے)

فیس بک پر اپنی پہلی پوسٹ میں اوباما نے بتایا کہ وہ اس پیج کو ایک ایسی جگہ بنانا چاہتے ہیں جہاں ملک کو درپیش انتہائی اہم مسائل پر حقیقی گفتگو ہو سکے۔وائٹ ہاوٴس نے اپنی توجہ بھرپور ڈیجیٹل کمیونیکیشن سٹریٹجی پر مرکوز کر رکھی ہے اور اسی لیے رواں سال اوباما نے ٹوئٹر جائن کیا۔ٹوئٹر پر اکاوٴنٹ بنانے کے پہلے پانچ گھنٹوں میں ان کے دس لاکھ سے زائد فالوورز بن گئے۔ وائٹ ہاوٴس کے ایک ترجمان ایرک شلٹز نے ٹائمز کو بتایا کہ اگلے صدر بھی یہی فیس بک پیج استعمال کریں گے۔ایرک نے بتایاکہ دوسرے ادارہ جاتی سوشل میڈیا اکاوٴنٹس کی طرح ، صدر اوباما کا فیس بک پیج بھی اگلی انتظامیہ کو منتقل کر دیا جائے گا۔

Facebook Twitter Google + Share on Whatsapp

امریکی صدر اوبامہ نے اپنا آفیشل فیس بک پیج متعارف کروا دیا

متعلقہ عنوان :

مزید بین الاقوامی خبریں