چلی کے ساحلی علاقوں میں زلزلے کے شدید جھٹکے
تازہ ترین : 1

چلی کے ساحلی علاقوں میں زلزلے کے شدید جھٹکے

سنتیاگو ۔11 نومبر (اُردو پوائنٹ اخبارتازہ ترین۔11 نومبر۔2015ء) چلی کے وسطی ساحلی علاقوں میں زلزلے کے شدید جھٹکوں سے لوگوں میں خوف و ہراس پھیل گیا تاہم فوری طور پر کسی جانی و مالی نقصان کی اطلاع نہیں ملی اور نہ ہی سونامی وارننگ جاری کی گئی۔امریکی زلزلہ پیما مرکز کے مطابق زلزلے کا مرکز چلی کے شہر کوکمبو کے 93 کلومیٹر شمال مغرب میں واقع ساحلی علاقے میں تھا، ابتدائی طور پر ریکٹر سکیل پر زلزلے کی شدت 6.6 ریکارڈ کی گئی ایک گھنٹے بعد 6.8 شدت کے زلزلے سے یہ علاقہ دوبارہ لرز اٹھا اور لوگوں میں خوف و ہراس پھیل گیا،۔ابتدائی طور پر کسی جانی و مالی نقصان کی اطلاع نہیں ملی اور نہ ہی کوئی سونامی وارننگ جاری کی گئی۔

وقت اشاعت : 11/11/2015 - 11:57:19

اپنی رائے کا اظہار کریں