شیریں مزاری کی صاحبزادی ایمان حاضر کی ایاز صادق کو دوبارہ اسپیکر منتخب ہونے پر ..
تازہ ترین : 1

شیریں مزاری کی صاحبزادی ایمان حاضر کی ایاز صادق کو دوبارہ اسپیکر منتخب ہونے پر مبارکباد

درست وقت پر تحریک انصاف کو چھوڑنے کافیصلہ کیا، میں نے مسلم لیگ ن پر بھی نتقید کی مگر گالیاں نہیں سننا پڑیں،ٹویٹ پیغام

کراچی(اُردو پوائنٹ تازہ ترین ۔۔ آئی پی اے ۔۔10 نومبر۔2015ء) پاکستان تحریک انصاف کی رہنماء شیریں مزاری کی صاحبزادی ایمان حاضر نے ایاز صادق کو دوبارہ اسپیکر قومی اسمبلی منتخب ہونے پر مبارکباد دیتے ہوئے کہا ہے کہ انہوں نے درست وقت پر تحریک انصاف کو چھوڑنے کافیصلہ کیا، میں نے مسلم لیگ ن پر بھی نتقید کی مگر گالیاں نہیں سننا پڑیں۔ ایمان حاضر نے منگل کو سردار ایاز صادق کے حق میں ٹویٹ کردیاجس میں اس نے کہا کہ سردار ایازصادق قومی اسمبلی کے حقیقی اسپیکرہیں۔

انہوں نے اپنے ٹویٹ میں ایاز صادق کو قومی اسمبلی میں واپسی اوراسپیکرمنتخب ہونے پر مبارک باد بھی دی۔ ایک اور ٹویٹ میں انہوں نے کہا کہ پی ٹی آئی کارکنان کی سوشل میڈیا پربدزبانی کے سبب درست وقت پر پارٹی چھوڑدی۔ایمان حاضرنے ایک اور ٹویٹ میں کہا کہ میں نے مسلم لیگ (ن) پر بھی تنقید کی ہے لیکن کبھی گالیاں نہیں سننا پڑیں۔ان کا یہ بھی کہنا تھا کہ ان کے ٹویٹ کی بنا پران کی والدہ اور پی ٹی آئی کی رہنما شیریں مزاری کو بھی تنقید کا نشانہ بنایا گیا۔

مزید متعلقہ خبریں پڑھئیے‎ :

وقت اشاعت : 10/11/2015 - 22:21:56

اپنی رائے کا اظہار کریں