طالبات اور گھر یلو خواتین مختلف ہنر سیکھ کر اپنی اور اپنے خاندان کی معاشی حالت کو بہتر بنا سکتی ہیں،ڈی سی اوحافظ آباد
منگل 10 نومبر 2015 19:59
حافظ آباد(اُردو پوائنٹ اخبارتازہ ترین - این این آئی۔10 نومبر۔2015ء) ڈسٹرکٹ کوارڈنیشن آفیسر حافظ آباد محمد عثمان نے کہا ہے کہ طالبات اور گھر یلو خواتین مختلف ہنر سیکھ کر اپنی اور اپنے خاندان کی معاشی حالت کو بہتر بنا سکتی ہیں ۔انہوں نے کہا کہ ملکی آبادی کا نصف ہونے کے ناطے خواتین ملکی معیشت کے استحکام میں بڑا اہم کردار ادا کر سکتی ہیں اور حکومت ملک بھر میں خواتین کو جدید تربیتی کورسز کی سہولت کے ذریعے انہیں روز گار کمانے کے بہتر مواقع فراہم کرنے کی پالیسی پر عمل پیرا ہے جس سے گھریلو آمدنی میں اضافے اور ملکی معاشرتی ترقی کے حوالہ سے بڑے مثبت نتائج برآمد ہونگے ۔
انہوں نے یہ بات محکمہ سوشل ویلفئر کے زیر اہتمام چلنے والے ادارے صنعت زار میں منعقدہ ایک تقریب سے خطاب کرتے ہوئے کہی۔(جاری ہے)
مینجر صنعت زار محمد عرفان گوندل اور دیگر افسران بھی اس موقع پر موجود تھے ۔ڈی سی او نے تقریب میں بیٹرن میکنگ اور بیوٹیشن کے کورسز مکمل کرنے والی 50طالبات اور خواتین میں فی کس 2500کے امدادی چیک تقسیم کئے گئے۔ڈی سی او نے خواتین اور طالبات پر زور دیا کہ وہ اپنی صلاحیتوں کا بھر پور اظہار کرتے ہوئے حکومت کی اس سہولت سے فائدہ اٹھائیں اور جدید تربیتی کورسز کا میابی کے ساتھ مکمل کرکے خود کو باعزت روزگار کے قابل بنائیں ۔
انہوں نے کہا کہ بڑھتی ہوئی مہنگائی اور معاشی مسائل سے نمٹنے کے لیے خواتین کو بھی اپنے خاندان اور عزیز و اقارب کی بہتر نگہداشت کے لیے معاشی وسائل میں اضافہ کرنا ہوگا جس کا بہترین طریقہ مختلف تربیتی کورسز ہیں۔منیجر صنعت زار عرفان گوندل نے بتایا کہ وزیر اعظم کے یوتھ سکلز ڈویلپمنٹ پروگرام کے تحت صنعت زار میں پیٹرن میکنگ اور بیوٹیشن کے چھ ماہ دورانیہ کے کورسز کروائے جا رہے ہیں جن کو کامیابی سے مکمل کرنے والی خواتین کو فی کس 2500کی امداد بھی دی جا رہی ہے ۔انہوں نے کہا کہ بہت جلد صنعت زار میں خواتین کو معاشی طور پر خود کفیل بنانے کے لیے دیگر کورسز بھی شروع کئے جائیں گے۔مزید اہم خبریں
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.