انصاف فوڈ سیکورٹی پروگرام،ھنگو میں 3300 بیج کے بیگ مفت تقسیم کردیئے گئے
منگل 10 نومبر 2015 16:17
ھنگو (اُردو پوائنٹ اخبارتازہ ترین - این این آئی۔10 نومبر۔2015ء )انصاف فوڈ سیکورٹی پروگرام،ضلع ھنگو میں 3300 بیج کے بیگ مفت تقسیم کردیئے گئے، وزیر اعظم کسان پیکیج کے تحت کاشتکاروں کو سستی قیمت پر کھادوں کی فراہمی کا عمل بھی جاری ہے۔ زراعت کی ترقی کیلئے مرکزی اور صوبائی حکومتوں کے اقتدامات دور رس نتائج کے حامل ہیں،ھنگو کیلئے مزید گندم کے بیج کی فراہمی کیلئے صوبائی حکومت سے رابطہ کیا گیا ہے،گندم کے تخم کو کھانے اور دیگر مقاصد کیلئے استعمال نہ کیا جائے۔
ان خیالات کا اظہار ڈسٹرکٹ ڈائریکٹر زراعت شعبہ توسیع ھنگو سخی مرجان،زراعت آفیسر ساجد محمد بنگش،ایسیم ایس زراعت یوسف علی نے صحافیوں کو بریفنگ کے دوران کیا۔اس موقعہ پر صدر ماڈل فارم سنٹر اویس قرنی،جنرل سکریٹری ناصر اکبر اورکزئی بھی موجود تھے۔(جاری ہے)
ڈسٹرکٹ ڈائریکٹر زراعت ھنگو سخی مرجان نے کہا کہ خیبر پختون خواہ کی صوبائی حکومت کی طرف سے میرٹ پر کسانوں میں تیتیس سو گندم کے بیگ انصاف فوڈ سیکورٹی پروگرام کے تحت تقسیم کر دیے گئے ہیں۔
اور جن کسانوں کو بیج فراہم کیے گئے ہیں ان کا انتخاب میرٹ پر کیا گیا ہے کسان ممبران اور متعلقہ پٹوایوں کی تصدیق کے بعد بیج تقسیم کیا گیا ہے انہوں نے کہا کہ صوبائی حکومت سے مزید پندرہ سو بیگ تخم کیلئے رابطہ کیا گیا ہے جیسے ہی یہ تخم فراہم کر دیا گیا بلا رکاوٹ کسانوں میں مفت تقسیم کر دیا جائے گا۔ڈائریکٹر زراعت ھنگو سخی مرجان نے صحافیوں کو بتایا کہ پرائم منسٹر کسان پیکیج کے تحت ضلع ھنگو کے کاشتکاروں کو مختلف کھادوں میں سبسڈی دی جا رہی ہے۔انہوں نے کسانوں پر زور دیا کہ بیج کو کاشتکاری کیلئے استعمال میں لایا جائے۔اسے کھانے،جانوروں کی خوراک بنانے سے گریز کیا جائے کیونکہ بیج کے ساتھ زری ادویات کا استعمال بھی ہوا ہے اور اس بیج کو بچوں کی پہنچ سے بھی دور رکھا جائے۔ڈائیریکٹر زراعت شعبہ توسیع ھنگو سخی مرجان نے واضح کیا کہ کسان بھائی کاشتکاری میں جدید ٹیکنالوجی اور زرعی ادویات کو بھی استعمال میں لائیں تاکہ زراعت میں ترقی اور زرعی پیداوار میں اضافہ کیا جا سکے۔اس مقصد کے لیے محکمہ زراعت ہر وقت کسان بھائیوں کی رہنمائی کیلئے مصروف عمل ہے۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.