پی ٹی آئی کی قیادت کو انتخابی نظام کی درستگی کیلئے جدوجہد کیساتھ عوامی مسائل پر ..
تازہ ترین : 1

پی ٹی آئی کی قیادت کو انتخابی نظام کی درستگی کیلئے جدوجہد کیساتھ عوامی مسائل پر بھرپور اپوزیشن کا کردار ادا کرنیکی تجویز

پیپلز پارٹی ناکام ہو چکی ،عوام کو درپیش مسائل پر پی ٹی آئی کو پارلیمنٹ کے اندر اور سڑکوں پر بھرپور آواز بلندکرنی چاہیے ‘ ذرائع

لاہور( اُردو پوائنٹ اخبارتازہ ترین۔10 نومبر۔2015ء)پاکستان تحریک انصاف کی قیادت کو اپنا طرز سیاست تبدیل کرنے کی تجویز دی گئی ہے جس میں کہا گیا ہے کہ انتخابی نظام کی درستگی کیلئے جاری جدوجہد کے ساتھ عوامی ایشوز پر بھی بھرپور اپوزیشن کا کردارا دا کیا جائے ۔ ذرائع کے مطابق تحریک انصاف کے بعض رہنماؤں نے قیادت سے کہا ہے کہ پیپلز پارٹی بطور اپوزیشن جماعت مکمل ناکام ہوچکی ہے اور عوامی حلقوں میں اسے فرینڈلی اپوزیشن قرار دیاجارہا ہے۔

ایسے موقع پر پی ٹی آئی کو انتخابی نظام کی درستگی کے لئے جاری جدوجہد کے ساتھ عوامی مسائل پر بھی نظر رکھنی چاہیے اور اسکے لئے نہ صرف پارلیمنٹ کے اندر بلکہ اہم معاملات پر سڑکوں پر بھی آکر ان مسائل کو اجاگر کرکے حکومت پرانہیں حل کرنے کے لئے اپنا دباؤ بڑھانا چاہیے ۔ذرائع کے مطابق مذکورہ تجویز کے بعد پی ٹی آئی کی قیادت کی طرف سے اہم مسائل پرنظر رکھنے کیلئے رہنماؤں کوذمہ داریاں سونپے جانے کا امکان ہے ۔

مزید متعلقہ خبریں پڑھئیے‎ :

وقت اشاعت : 10/11/2015 - 14:20:37

متعلقہ عنوان :

اپنی رائے کا اظہار کریں