طلاق کی وجہ جادو کو سمجھنا محض گمان دستخط کر کے طلاق دینا ایک یقینی امر ہے
تازہ ترین : 1

طلاق کی وجہ جادو کو سمجھنا محض گمان دستخط کر کے طلاق دینا ایک یقینی امر ہے

معروف عالم دین راغب نعیمی کا عمران خان کی سابق اہلیہ ریحام خان کی جانب سے کالا جادو کو طلاق کی وجہ قرار دینے پر بیان

لاہور (اُردو پوائنٹ اخبارتازہ ترین۔10 نومبر۔2015ء)معروف عالم دین راغب نعیمی نے عمران خان کی سابق اہلیہ ریحام خان کی جانب سے کالے جادو کو برحق تسلیم کرکے اسے شیطانی کارروائی قرار دینا اور یہ تاثر دینا کہ طلاق کی وجہ کالا جادو ہے پرکہا ہے کہ جادو کا ہونا ایک ضمنی بات ہے مگر دستخط کر کے طلاق دینا ایک یقینی امر ہے ۔نجی ٹی وی کے مطابق عمران خان اور ریہام خان کی طلاق کے بعد مختلف کہانیاں سامنے آتی رہیں۔

کبھی لمبی اننگز کھیلنے کی بات ہوئی تو کبھی عمران خان میڈیا پر برستے نظر آئے لیکن ریحام خان نے ٹوئٹ میں کالا جادو کو طلاق کی وجہ قرار دے کر سب کو حیران کر دیا۔ اس حوالے سے ممتاز عالم دین مولانا راغب نعیمی نے نجی ٹی وی کو بتایا کہ جادو کا ہونا ایک ضمنی بات ہے جبکہ انسان کا اپنے الفاظ اور اپنے زبان سے کہنا اور اپنے ہاتھوں سے دستخط کر کے لکھ کر دینا یقینی بات ہے۔ انہوں نے کہا کہ یقینی بات کو ضمنی بات پر ترجیح ہوتی ہے، جادو کا ہونا محض ایک گمان ہے۔ راغب نعیمی کا کہنا تھا کہ اس طلاق کے معاملے پر دونوں فریقین کی رضامندی کے ساتھ یہ معاملہ اختتام کو پہنچ رہا ہے اس لئے جادو کے گمان کو حقیقت پر ترجیح نہیں دی جا سکتی۔

مزید متعلقہ خبریں پڑھئیے‎ :

وقت اشاعت : 10/11/2015 - 13:21:36

اپنی رائے کا اظہار کریں