اسپین، بحریہ نے لیبیا سے یورپ آنے والے 500تارکین وطن کو سمندر میں ڈوبنے سے بچالیا
تازہ ترین : 1

اسپین، بحریہ نے لیبیا سے یورپ آنے والے 500تارکین وطن کو سمندر میں ڈوبنے سے بچالیا

بارسلونا(اُردو پوائنٹ اخبارتازہ ترین۔10 نومبر۔2015ء)اسپین کی بحریہ نے لیبیا سے یورپ آنے والے 500تارکین وطن کو سمندر میں ڈوبنے سے بچالیا۔بچ جانے والے افراد میں مرد ، خواتین ، کم عمر نوجوان اور2 بچے شامل ہیں، ان میں سے اکثر افراد نے لائف جیکٹس پہن رکھی تھیں ، تارکین وطن 20میٹر لمبی ایک کشتی میں سوار ہو کر بحر میڈیٹرین کو عبور کرکے یورپ کے ممالک جانا چاہتے تھے۔

بحریہ کے ریسکیو آپریشن میں 6گھنٹے لگے جبکہ اسی دوران ایک سومالی خاتون نے بچی کو بھی کشتی میں ہی جنم دیا۔ اب تک تقریباً تین ہزار تارکین وطن مختلف سمندری راستوں سے یورپ آتے ہوئے خطرناک لہروں کی نذر ہوکر اپنی جانیں گنواچکے ہیں جبکہ 7لاکھ افراد ایسے بھی ہیں جو یورپ پہنچنے میں کامیاب رہے۔خطرناک سمندری لہروں کا سامناکرنے والے خوش نصیب افراد کی اکثریت اس وقت یونانی جزیرے لامپا ڈوسا اور اٹلی میں مقیم ہے۔

وقت اشاعت : 10/11/2015 - 12:44:56

متعلقہ عنوان :

اپنی رائے کا اظہار کریں