بیلاروس کے وزیراعظم آندرے کوبیکوف کی 3روزہ سرکاری دورے پراسلام آبادآمد
تازہ ترین : 1

بیلاروس کے وزیراعظم آندرے کوبیکوف کی 3روزہ سرکاری دورے پراسلام آبادآمد

صدر،وزیراعظم اوردیگرحکام سے ملاقاتیں کریں گے

اسلام آباد(اُردو پوائنٹ اخبارتازہ ترین۔9 نومبر۔2015ء)بیلاروس کے وزیراعظم آندرے کوبیکوف3روزہ سرکاری دورے پراسلام آبادپہنچ گئے ،صدر،وزیراعظم اوردیگرحکام سے ملاقاتیں کریں گے ،بیلاروس کے وزیراعظم آندرے کوبیکوف پیرکی شب اسلام آبادائیرپورٹ پہنچے ،مشیرخارجہ سرتاج عزیزاوراعلیٰ حکام نے ان کااستقبال کیا۔بیلاروس کے وزیراعظم اپنے دورے کے دوران صدرممنون حسین ،وزیراعظم نوازشریف اوردیگراعلیٰ حکام سے ملاقاتیں کریں گے ۔

جن میں پاکستان اوربیلاروس کے تعلقات ،باہمی دلچسپی اوردوطرفہ امورپرتبادلہ خیال کیاجائیگا۔بیلاروس کے وزیراعظم کاچھ ماہ میں یہ تیسرااعلیٰ سطحی رابطہ ہے ،اس دورے کے موقع پرپاکستان اوربیلاروس کے درمیان کئی سمجھوتوں اورمفاہمت کی یادداشتوں پردستخط ہوں گے ،بیلاروس کے وزیراعظم پاکستان بیلاروس تجارتی اورسرمایہ کاری فورم کے اجلاس میں بھی شرکت کریں گے ۔ان کادورہ پاکستان بیلاروس مختلف شعبوں میں تعاون میں معاون ثابت ہوگا،صدرمملکت ،مہمان وزیراعظم کے اعزازمیں عشائیہ اوروزیراعظم ظہرانہ دیں گے

وقت اشاعت : 09/11/2015 - 23:10:47

متعلقہ عنوان :

اپنی رائے کا اظہار کریں