ساہیوال،ٹی ایم اے نے بازاروں میں تجاوات کے خلاف آپریشن شروع کردیا
تازہ ترین : 1

ساہیوال،ٹی ایم اے نے بازاروں میں تجاوات کے خلاف آپریشن شروع کردیا

ساہیوال(اُردو پوائنٹ اخبارتازہ ترین۔9 نومبر۔2015ء) کمشنرساہیوال عظمت محمود کی ہدایت پر ٹی ایم اے ساہیوال نے بازاروں میں تجاوات کے خلاف آپریشن شروع کردیا ‘ انکروچمنٹ آفیسر خالدرشید نے ٹی ایم اے عملہ کے ہمراہ صدربازار‘ پاکپتن بازار‘ مچھلی بازار اورجناح چوک میں تجاوزات کے خلاف آپریشن کرتے ہوئے دکانداروں کے باہر روڈ پر رکھاگیا سامان اٹھوالیااورسرکاری گاڑی میں ڈال کر ٹی ایم اے سٹورپرلے گئے۔

خالدرشید کاکہناتھاکہ اعلیٰ حکام کے حکم پرتجاوزات کاآپریشن شروع ہے اورمذکورہ بازاروں میں جوبھی دوکاندار دوکان سے باہر سامان رکھے گا اس کے خلاف کارروائی کی جائے گی۔ شہریوں نے کمشنرساہیوال سے مطالبہ کیاہے کہ تجاوزات کے خلاف شروع کیاجانیوالا آپریشن بلاامتیاز جاری رکھاجائے تاکہ کسی کوبھی اس بارے میں اعتراض نہ ہو۔

وقت اشاعت : 09/11/2015 - 23:03:47

اپنی رائے کا اظہار کریں