فیکٹری کے آئل ڈپو میں آتشزدگی کے نتیجے میں 5محنت کش جھلس کر جاں بحق ،چار زخمی ،وزیر اعلیٰ نے رپورٹ طلب کر لی
برکی میں ٹی آر بنانے والی فیکٹری میں تیل ذخیرہ کرنے کیلئے رکھے گئے ٹینکر میں دھماکے کے بعد آگ بھڑک اٹھی ژ
پیر 9 نومبر 2015 23:00
لاہور( اُردو پوائنٹ اخبارتازہ ترین - این این آئی۔9 نومبر۔2015ء) صوبائی دارالحکومت کے علاقہ برکی میں فیکٹری کے آئل ڈپو میں آتشزدگی کے نتیجے میں 5محنت کش جھلس کر جاں بحق جبکہ چارزخمی ہو گئے ، آتشزدگی کی اطلاع ملتے ہی فائر بریگیڈ، ریسکیو 1122سمیت دیگر امدادی اداروں کی ٹیمیں موقع پر پہنچ گئیں اور آگ پر قابو پا لیا گیا ،وزیرا علیٰ پنجاب محمد شہباز شریف نے آتشزدگی کے نتیجے میں ہلاکتوں پر افسوس کا اظہار کرتے ہوئے واقعے کی تفصیلی رپورٹ طلب کر لی ۔
بتایا گیا ہے کہ گزشتہ روز برکی میں دوری پل کے قریب لوہے کے ٹی آر بنانے والی فیکٹری میں تیل ذخیرہ کرنے کیلئے رکھے گئے ٹینکر میں اچانک زور دھماکے کے بعد آگ بھڑک اٹھی جس نے دیکھتے ہی دیکھتے فیکٹر ی کے ایک بڑے حصے کو بھی اپنی لپیٹ میں لے لیا جس سے وہاں کام کرنے والے محنت کش بری طرح جھلس گئے ۔(جاری ہے)
عینی شاہدین کے مطابق اچانک دھماکہ ہوا جے کے بعد فیکٹری میں آگ کے شعلے بلند ہونا شروع ہو گئے ۔
آگ اس قدر شدید تھی کہ پانچ محنت کش جھلس کر جاں بحق ہو گئے اور ان کی لاشوں کی شناخت بھی مشکل ہو گئی جبکہ چار زخمی ہو گئے ۔ اطلاع ملتے ہی فائر بریگیڈ، ریسکیو 1122سمیت دیگر امدادی اداروں کی ٹیمیں موقع پر پہنچ گئی جنہوں نے آگ پر قابو پایا اور لاشوں اور زخمیوں کو ہسپتال منتقل کر دیا گیا ۔ ملازمین کے مطابق آگ فیکٹری میں آئل ڈپو میں لگی جس نے اچانک اتنی شدت اختیار کر لی کہ وہاں کام کرنے والے محنت کشوں کو باہر نکلنے کا موقع ہی نہ مل سکا ۔بتایا گیا ہے کہ ذخیرہ کئے گئے آئل کے بڑے ٹینکر کے پاس ویلڈنگ کے دوران اس کی چنگاری سے حادثہ پیش آیا۔ اہل علاقہ کے مطابق فیکٹری میاں وحید نامی شخص کی ملکیت ہے جبکہ پولیس نے فیکٹری کے سپر وائزر شاہد کو حراست میں لے لیا ہے ۔ آتشزدگی کے واقعے میں جھلس کر جاں بحق ہونے والے چار محنت کشوں کی شناخت عمران ولد عبد الرشید ، ساگر ، عمران ولد فجر اور محمد اشفاق ولد یوسف کے نام سے ہوئی ہے جبکہ پانچویں مزدور کی شناخت نہیں ہوسکی۔ وزیر اعلیٰ پنجاب نے آ تشزدگی میں ہلاکتوں پر افسوس کا اظہار کرتے ہوئے واقعے کی تفصیلی رپورٹ طلب کر لی ہے ۔ وزیر اعلیٰ پنجاب نے جھلسنے والے افراد کو علاج معالجے کی بہترین سہولیات فراہم کرنے کی ہدایات دی ہیں۔متعلقہ عنوان :
مزید اہم خبریں
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
پی ٹی آئی رہنماء نے الزام لگایا کہ سعودی امداد چوروں کو مضبوط کرنے کی کڑی ہے
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.